فوتو: gov.kz
«ۇيىم قۇرىلعان 24 جىل ىشىندە العاش رەت الماتىدا 2024 جىلعى تامىز ايىندا قازاقتىڭ ۇلتتىق كۇرەسىنەن تمد-نىڭ العاشقى چەمپيوناتىن وتكىزۋ تۋرالى كەلىسىمگە قول جەتكىزىلىپ وتىر. بۇل باستاماعا مەملەكەت باسشىسى – قارۋلى كۇشتەردىڭ جوعارعى باس قولباسشىسى قاسىم-جومارت توقاەۆتىڭ قازاق كۇرەسىن قازاقستان قوعامىندا ناسيحاتتاۋ جانە ىلگەرىلەتۋ تۋرالى تاپسىرماسىن ورىنداۋ نەگىز بولدى», دەدى اتالعان وتىرىسقا قاتىسقان قازاقستان رەسپۋبليكاسى قورعانىس مينيسترلىگى سپورت كوميتەتىنىڭ توراعاسى – ورتالىق سپورت كلۋبىنىڭ باستىعى پودپولكوۆنيك ارمان ابەۋوۆ.
كەلىسسوزدەر بارىسىندا كەلەسى وتىرىستىڭ كۇن تارتىبىنە دوستاستىقتىڭ قورعانىس مينيسترلەرى كەڭەسى جانىنداعى اسكەري-قولدانبالى سپورت تۇرلەرىنىڭ, سونداي-اق مادەني سپورت تۇرلەرىنىڭ تىزبەسىن وزگەرتۋ جانە وعان قازاقتىڭ ۇلتتىق كۇرەسىن قوسۋ تۋرالى ماسەلە ەنگىزىلدى.
بۇدان بولەك, الداعى قاراشا ايىندا استانادا قر قورعانىس ءمينيسترىنىڭ كۋبوگى ءۇشىن ارميالىق قويان-قولتىق ۇرىستان تمد چەمپيوناتىن وتكىزۋ تۋرالى ۋاعدالاستىققا قول جەتكىزىلگەنىن دە ايتا كەتۋ كەرەك.
