شەكارالىق باعانا-بەلگى ورناتىلدى

قول جەتكەن ۋاعدالاستىققا ءساي­كەس قازاقستان مەن رەسەي مەملە­كەت­تەرى شەكاراسىنىڭ اقتوبە جانە ورىنبور وبلىستارىنىڭ ۋچاسكە­سىن­دەگى ورسك قالاسىنىڭ شەكارادان وتەتىن جەر اۋماعىندا ءبىرىنشى باعا­نا-بەلگى ورناتۋدىڭ سالتاناتتى ءرا­سىمى بولدى. اتالمىش شاراعا كەل­گەن كورشىلەس ەكى ەلدىڭ دەلەگاتسيا مۇشەلەرى قازاقستان مەن  رەسەيدىڭ ءانۇراندارى ورىندالىپ بولعان سوڭ ساحنا تورىنە كوتەرىلدى. دەلەگاتسيا­لار قۇرامىندا  قازاقستان جاعىنان اقتوبە وبلىسىنىڭ اكىمى ەلەۋسىن ساعىندىقوۆ, ەرەكشە تاپسىرمالار جونىندەگى ەلشى ۆياچەسلاۆ عيزاتوۆ, كورنەكتى مەملەكەت جانە قوعام قايراتكەرى, “نەۆادا-سەمەي” قوز­عالىسىنىڭ توراعاسى, حالىق جازۋشىسى ولجاس سۇلەيمەنوۆ جانە رەسەي جاعىنان ورىنبور وبلىسىنىڭ گۋبەرناتورى الەكسەي چەرنىشوۆ, رەسەيدىڭ توتەنشە جانە وكىلەتتى ەلشىسى ۆلاديمير ۆولكوۆ, رەسەي فەدەرالدى قاۋىپسىزدىك قىزمەتىنىڭ ورىنبور وبلىسى بويىنشا شەكارا قىزمەتىنىڭ باس­تىعى, گەنەرال-مايور الەكساندر گۋكوۆ, سونداي-اق,ەكى ەلدىڭ دەمار­كا­تسيالىق كوميسسيالارىنىڭ جانە شەكارا قىزمەتتەرىنىڭ باسشىلارى, مەملەكەتتىك ورگاندار وكىلدەرى بول­دى. شەكارادا باعانا-بەلگى ورناتۋ سالتاناتىندا ءسوز العان ورىنبور وبلىسىنىڭ اكىمى الەكسەي چەرنى­شوۆ بۇل ءساتتى ەكى ەل ءۇشىن دە وتە ماڭىزدى وقيعا رەتىندە باعالادى. كورشىلەس ەكى ەلدە قالىپتاسقان دوس­­­تىق, ءوزارا ىنتىماقتاستىق قا­تىناستىڭ ارقاسىندا شەكارالىق ماسەلەلەردىڭ ءوزارا ورتاق ءتىل تا­بىسۋ ارقىلى وڭتايلى شەشىلگەنىن جەتكىزدى. – ورىنبور وبلىسىنىڭ قازاق­ستان­مەن شەكاراسى 1800 شاقى­رىمنان استام. ونىڭ ءون بويىندا قازىردىڭ وزىندە 17 جەڭىلدەتىلگەن وتكىزۋ پۋنكتى جۇمىس ىستەيدى. اقتوبە وبلىسىمەن شەكارامىز 900 شاقى­رىمنان اسادى. ەجەلدەن ارالاس-قۇرالاسى توقتاماعان ەكى ءوڭىردىڭ ەكونوميكالىق, ساۋدا بايلانىسى عانا ەمەس, مادەني قارىم-قاتىناسى دا نىعايا تۇسۋدە. وتكەن جىلى رەسەي مەن قازاقستاننىڭ شەكارالاس اي­ماقتارىنىڭ فورۋمىن وتكىزگەنى­مىزدە اقتوبەلىكتەر بىزگە قازاق دياس­پو­راسىنىڭ ۇلتتىق اۋىلىن جاراق­تاندىرۋعا كومەك بەردى. ۇلتتىق قازاق اۋىلىندا قازاقستان رەس­پۋب­ليكاسىنىڭ پرەزيدەنتى نۇرسۇلتان نازارباەۆتىڭ ءوزى بولىپ, ەكى ەلدىڭ, ەكى حالىقتىڭ دوستىعى مەن تاتۋ­لىعىنا تاعى ءبىر كوز جەتكىزدى. وڭىرلەردىڭ ءوزارا ىنتىماقتاستىعى بۇرىنعىدان گورى دامي تۇسەتىنىنە سەنىمدىمىن, – دەدى الەكسەي چەر­نىشوۆ. ءوز كەزەگىندە اقتوبە وبلىسى­نىڭ اكىمى ەلەۋسىن ساعىندىقوۆ شە­كاراعا باعانا-بەلگى ورناتۋدىڭ ءوز­ارا قارىم-قاتىناستى حالىق­ارا­لىق نورمالارعا سايكەستەندىر­گەنى بول­ما­سا, ەكى ەلدىڭ, ەكى وب­لىس­تىڭ اراسىنداعى دوستىق پەن تاتۋلىق­قا, كەلىسىم مەن ىنتى­ماقتاستىققا سەلكەۋ تۇسىرمەيتى­نىن جەتكىزدى. – ۇستىمىزدەگى جىلعى بەس ايدا  اقتوبە وبلىسىنىڭ رەسەيمەن سىرت­قى ساۋدا اينالىمى 150 پايىزعا ءوسىپ وتىر. ەكسپورت تا, يمپورت تا وسە ءتۇستى. تەك بيىلدىڭ وزىندە ءبىز­دىڭ وبلىستىڭ  رەسەيمەن سىرتقى ساۋ­دا اينالىمى 6 ملرد. اقش دول­لارىن قۇرايتىن بولادى.ال ورىن­بور وبلىسىمەن ساۋدا اينالىمى  2 ملرد. اقش دوللارىنا جەتەدى دەپ وتىرمىز. جالپى ورىنبور جانە اقتوبە وبلىستارى ءوز ەلدەرىنىڭ ەكونوميكالىق دامۋىندا وزىندىك ورنى بار وڭىرلەر. بىزدە تەك ەكونوميكالىق بايلانىس قانا ەمەس, مادەني بايلانىستار دامىپ وتىر. ورىنبور وبلىسىمەن ەكى ارادا جەڭىلدەتىلگەن ون وتكىزۋ پۋنكتى جۇمىس ىستەيدى. سوندىقتان بارىس-كەلىس, ارالاس-قۇرالاستىق ارتپاسا, كەمىمەيدى, – دەپ تۇجىرىمدادى ويىن ەلەۋسىن ناۋرىزباي ۇلى. مەملەكەتتىك شەكارا – ءار ەلدىڭ ءانۇرانى,تۋى مەن ەلتاڭباسى سياقتى زور مارتەبەگە يە. ەكى ەلدىڭ جەرىمەن وتەتىن شەكاراعا دەمار­كاتسيا جاسالعانىمەن كورشىلەس ەلدەردىڭ ىنتىماقتاستىعىنا سەلكەۋ تۇسىرمەيدى.ماڭىزدى شاراعا قاتىسقانداردىڭ ورتاق پىكىرى وسىعان دالەل بولادى. ساتىبالدى ءساۋىرباي, اقتوبە وبلىسى.