ەڭ الدىمەن, ۇگىتتەۋشىلەر الەۋمەتتىك جەلىنى كەڭەيتۋ ماقساتىندا جاڭا ىزباسارلارعا ماتەريالدىق كومەك كورسەتىپ, ولارعا شەت تىلدەرىن ۇيرەنۋگە, جۇمىس تابۋعا, تۋىستارى مەن جاقىن وتباسى مۇشەلەرىن جۇمىسپەن قامتۋعا كومەكتەسىپ, باسپاناسىز نەمەسە ۋاقىتشا باسپانادا قالعان تانىستارىنا باسپانامەن قامتۋ سياقتى ءارتۇرلى ادىستەردى قولداناتىنىن اتاپ وتكەن ءجون.
ياعني راديكالدى ءدىني يدەولوگيانى ناسيحاتتاۋشىلار, ادەتتە, كۇردەلى ومىرلىك جاعدايلاردى پايدالانادى. مىسالى, مەنىڭ تاجىريبەمدە ءبىر ايەلدىڭ جاقىن تۋىسى قايتىس بولعان. سودان كەيىن دەسترۋكتيۆتى ۇيىمنىڭ وكىلدەرى وعان قايعىسىن ءبولىسۋ ماقساتىندا بارىپ كومەكتەسە باستادى. ۇيىم وكىلىنىڭ ناقتى مىندەتى بولعانىمەن, ول جەكە تۇلعاعا پسيحولوگيالىق اسەر ەتە وتىرىپ, دەسترۋكتيۆتى اعىمنىڭ ورتاسىنا تارتۋ ماقساتى بولدى.
سونداي-اق دەسترۋكتيۆتى ۇيىمداردىڭ ۇگىتتەۋشىلەرى قايىرىمدىلىقپەن ءجيى اينالىسادى. بۇل ۇيىمنىڭ باستى كوزدەگەنى - ادامدارعا جاقسى كورىنىپ, قامقورلىق نيەتىن كورسەتكەندەي بولىپ, وزدەرىنە تارتۋ. العاش رەت ۇلكەن قالاعا كەلگەن جاس جىگىتتەر مەن قىزدارعا, وزدەرىن تەگىن باسپانامەن قامتاماسىز ەتىپ, ءبىلىم الۋىنا جاڭا مۇمكىندىكتەر سىيلايتىن جاڭا قامقورشىلارى بولىپ جاندارىنان تابىلا قالادى. راديكالدى ءدىني يدەولوگيانى ناسيحاتتاۋشىلاردىڭ مۇنداي قوعامدىق ارەكەتتەرى جاستار مەن تابىسى تومەن ادامداردى وزدەرىنە قاراتپاي قويمايدى.
سونىمەن قاتار قازىرگى ءوزىن-ءوزى دامىتامىن دەپ ءتۇرلى نارسەلەرمەن اۋەستەنۋشى جانداردىڭ سۇرانىسىن وتەي الاتىنداي, «قىزىعۋشىلىق كۋرستارىن» اشۋ وتە كەڭ تارالعان ءادىس بولىپ تابىلادى. كوبىنەسە ۇگىتتەۋشىلەر ۇيىمنىڭ سيپاتتامالارىن ءتالىم الۋعا قىزىعۋشىلاردىڭ مۇددەلەرىنە سايكەس كەلەتىن ەتىپ رەتتەيدى. مىسالى, ەگەر ادام رۋحاني ىلگەرىلەۋدى ىزدەسە, ونى «رۋحاني دامۋ توبىنا» شاقىرۋعا بولادى, ال ەگەر ادام پسيحولوگياعا قىزىعۋشىلىق تانىتسا, وندا ول «ادام الەۋەتى» بويىنشا سەمينارعا جانە ت.ب. شاقىرىلىپ, قىزىعۋشىلىقتارىن ارتتىرادى. قازاقستاندا ەڭ ءجيى كەزدەسەتىن, قىزىعۋشىلىقپەن اينالىسۋعا بولاتىن جۇمىس - ءتىل كۋرستارى: اعىلشىن, كورەي تىلدەرىن وقىتۋ. ءتىل ۇيرەنۋگە دەگەن قىزىعۋشىلىعى بار جاندارعا وسى كۋرستاردى تەگىن ۇسىنا وتىرىپ, وزدەرىنە قاراي بەيىمدەيدى.
وسى جىلدىڭ ءساۋىر ايىندا كوپتەگەن تانىمال الەۋمەتتىك جەلىلەردە, سونداي-اق, كەيبىر باق-تا زاڭسىز ميسسيونەرلىك قىزمەتكە قاتىستى اقپارات تاراتىلعانىن ەسكەرۋگە بولادى. اتاپ ايتقاندا, ۇيالى تەلەفون ساتۋمەن اينالىساتىن جەكە كاسىپكەرگە ءدىني ۇيىمنىڭ اتىنان تەلەفون قوڭىراۋلارى سوعىلىپ, ءدىني جينالىسقا قاتىسۋعا شاقىرعان. سونىمەن قاتار حابارلامادا كورسەتىلگەن ءدىني ۇيىمنىڭ ءىزباسارى ء«دىن - ءار ادامنىڭ تاڭداۋى» ەكەنىن, ول ءوزى تەك «كيەلى» كىتاپتى وقىپ, وقىعانىمەن بولىسكىسى كەلەتىنىن ايتىپ, مەزگىل - مەزگىل تەلەفون سوعىپ مازالاپ وتىرعان.
دەسترۋكتيۆتى ءدىني اعىمداردىڭ ىقپالىنا ءجيى ۇشىراپ وتىرعانداردىڭ كوپشىلىگى جاستار. بۇل وبەكتيۆتى تۇرعىدا جاستاردىڭ تۇراقتى رۋحاني-ادامگەرشىلىك, جەكە قاسيەتتەرىنىڭ جوعارى دەڭگەيدە قالىپتاسپاۋىمەن بايلانىستى. جاستاردىڭ ءدىني ساۋاتتىلىق دەڭگەيىن الەۋمەتتىك جاعدايلارىنىڭ تومەندىگىمەن دە بايلانىستىرۋعا بولادى.
جاستاردا تەرىس فاكتورلارعا توزىمدىلىكتى قالىپتاستىرۋ ءۇشىن قانداي ءدىني-ەكسترەميستىك جانە تەرروريستىك ۇيىمداردىڭ بار ەكەندىگى, ولاردىڭ ۇيىم مۇشەلەرىمەن قالاي سويلەسۋگە بولاتىندىعى, ادامنىڭ ساناسىنا ينتەرنەت ارقىلى پسيحولوگيالىق اسەر ەتۋدىڭ قانداي ادىستەرىن قولداناتىندىعى تۋرالى تولىق اقپارات بەرۋ قاجەت.
ەگەر سىزگە ينتەرنەتتەن ءدىني مازمۇنداعى اقپارات جىبەرىلگەن بولسا, سىلتەمەنى ورىنداماي, كەرىسىنشە «شاعىمدانۋ» تۇيمەسىن باسىڭىز نەمەسە سىزگە كوشەدە بەيتانىس ادام كەلىپ, ءدىن تاقىرىبىندا ديالوگ باستاسا, وندا ديالوگتى توقتاتىپ, كەتىپ قالعانىنىز دۇرىس. ءدىن ماسەلەلەرىندە ءاردايىم كاسىبي ماماندارعا جۇگىنگەن دۇرىس. مىسالى, ەلوردادا دىنگە قاتىستى ماسەلەلەرمەن اينالىساتىن «دىندەردى زەرتتەۋ ورتالىعى» جۇمىس ىستەيدى. سۇراقتارعا جاۋاپ الۋ ءۇشىن ءبىزدىڭ ورتالىققا iKomek-109 بىرىڭعاي بايلانىس ورتالىعىنىڭ نومىرىنە قوڭىراۋ شالۋعا بولادى.
