يۆان چەرۆينسكيدىڭ قازاقستانعا كەلگەنىنە 100 كۇن بولىپتى. ول مۇندا قۇربان ايت مەرەكەسى كەزىندە فەستيۆالگە قاتىسۋ ءۇشىن شاقىرتىلعان. سول ساتتە فەستيۆال تەحنيكالىق سەبەپتەرگە بايلانىستى وتپەي قالىپ, ول وسىندا ءتىل ۇيرەنۋ ءۇشىن قالعان.
«قازاق تىلىندە تىلدەسۋ كلۋبىنا قاتىستىم. كۇندەلىكتى ونلاين رەجيمدە ساباق وقىپ, ءۇي تاپسىرمالارىن ورىنداپ ءجۇردىم. سونداي-اق دجيۋ-دجيتسۋدان قازاق تىلىندەگى جاتتىعۋلارعا بارىپ تۇرامىن. مۇندا قازاق جانە ورىس تىلدەرىن بىرگە ءبىلىپ ءومىر ءسۇرۋ ىڭعايلى. بارلىعى مەنىڭ بىلمەگەن تۇسىمدى ايتىپ, كومەك قولىن سوزۋعا ءازىر تۇرادى», دەدى ول.
يۆان چەرۆينسكي قازاق تىلىندە حابارلار جۇرگىزگىسى كەلەتىنىن دە جەتكىزدى. ءوز بالالارىنىڭ دا قازاق ءتىلىن بىلگەنىن قالايدى.
وسى جىلى 27 ساۋىردە مەملەكەت باسشىسى قاسىم-جومارت توقاەۆ رەسەيلىك بلوگەردى قازاقستان حالقى اسسامبلەياسىنىڭ سەسسياسىندا العىس حاتپەن ماراپاتتاعان بولاتىن.
