تۇرلىبەك مامەسەيىت 1949 جىلدىڭ 17 اقپانىندا دۇنيەگە كەلگەن.
1975 جىلى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.
«جەتىسۋ» گازەتىندە, 1977-1995 جج. «جازۋشى» باسپاسىندا رەداكتور, اعا رەداكتور, رەداكتسيا مەڭگەرۋشىسى بولىپ جۇمىس ىستەدى. 1996 جىلدان 1998 جىلعا دەيىن «ونەر» باسپاسىندا باس رەداكتور, 1998-1999 جىلدارى «راۋان» باسپاسىندا جەتەكشى رەداكتور بولىپ قىزمەت اتقاردى. 1999 - 2001 جىلدار ارالىعىندا «اتامۇرا» كورپوراتسياسىندا رەداكتور, 2001-2008 جىلدارى استاناداعى «ەلوردا» باسپاسىندا باس رەداكتور بولىپ قىزمەت ىستەگەن. 2008 جىلدان استانا-پوليگرافيا اق باسپا باسقارماسىنىڭ باس رەداكتورى بولىپ ەڭبەك ەتتى.
«توعىسقان تولقىن», «زەردەلىلىك ايناسى», «ديدار» اتتى ادەبي سىن, «بەتورامال», «تۇسىمە تاۋ كىرە ءدى», «بەسىك پەن نەسىپ», «پلاچ وحوتنيكا», «اۋليە-شوقى», «تەكتىنى كەگى», «تاۋ», «قارقارا كوتەرىلىسى», «جاسىن تۇسكەن ماۋسىم» اتتى اڭگىمەلەر, حيكاياتتار مەن پوۆەستەر جيناعىنىڭ, «تاڭجارىق» رومانىنىڭ اۆتورى.
سوقتالى شىعارمالارى قىرعىز, تۇرىكمەن, ورىس, قىتاي تىلدەرىنە اۋدارىلدى.
«تاۋدا وسكەن ۇل» پوۆەسى باسپا كوميتەتى مەن «جالىن» باسپاسىنىڭ جابىق بايگەسىندە سىيلىققا يە بولعان.
«ەگىز ەلدىڭ اۋەيى», «شەرحان مۇرتازا» اتتى زەرتتەۋ ەڭبەكتەرىنىڭ اۆتورى. فيلولوگيا عىلىمدارىنىڭ كانديداتى. سوڭعى جىلدارى م.اۋەزوۆ اتىنداعى اكادەميالىق دراما تەاترىندا «باكەي قىز» اتتى دراماسى ساحنالاندى.
1996 جىلى جامبىلدىڭ 150 جىلدىعىنا وراي جامبىل اتىنداعى حالىقارالىق سىيلىققا يە بولسا, 2000 جىلى «اۋليەشوقى» اتتى پوۆەستەر جيناعى ءۇشىن حالىقارالىق «الاش» ادەبي سىيلىعىنىڭ لاۋرەاتى اتاندى. «استانانىڭ 10 جىلدىعى» مەدالىمەن ماراپاتتالعان.
