https://inbusiness.kz/
قىزىلوردا وبلىسى, قازالى اۋداندىق اۋىل شارۋاشىلىق مەكەمەسىنىڭ باسشىسى كەلە-كەلە تۇيەسىن باقتىرۋ ءۇشىن باقتاشى جالدايدى. 53 باس تۇيەسىن ساناپ وتكىزگەن قوجايىن ارادا ءبىرشاما ۋاقىت وتكەندە 21 باس تۇيەسىنەن كوز جازىپ قالعانىن ايتىپ اۋداندىق پوليتسيا بولىمىنە ارىزدانادى.
«تەكسەرۋ جۇمىستارىن جۇرگىزگەن پوليتسيا قىزمەتكەرلەرى بۇل جايتقا باقتاشىنىڭ قاتىسى بار ەكەنىن انىقتادى. قىلمىسقا كۇدىكتەلگەن باقتاشى مالداردىڭ كوپ بولىگىن يەمدەنىپ, سويىپ, ەتىن ساتىپ, ال اقشاسىن ءوز قاجەتتىلىگىنە جۇمساعان. جالپى, جابىرلەنۋشىگە كەلتىرىلگەن شىعىن كولەمى 9 ميلليون تەڭگەدەن استى. قازىرگى ۋاقىتتا اتالعان دەرەك بويىنشا قر قك-ءنىڭ 189-بابى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. كۇدىكتى قازالى اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قاماققا الىندى», دەلىنگەن حابارلامادا. مال ۇرلىعىنا قاتىستى وقيعانىڭ ءمان-جايى ناقتىلانىپ, كۇدىكتىنىڭ باسقا دا قىلمىسقا قاتىسى بار-جوعى انىقتالادى ەندى.
