ءىت, ماركەتينگ, مۋزىكا جانە كينەماتوگرافيا باعىتى تالقىعا تۇسكەن جيىن سەكتسيالارىندا «Nomad Stunts» كاسكادەرلەر توبىنىڭ مۇشەسى, اكتەر جاندوس ايباسوۆ, ەرنار نۇرعاليەۆ, «Red Jolbors» فەستيۆالىنىڭ ۇيىمداستىرۋشىسى انتون كيم, «سەو Naimi.kz» نەگىزىن قالاۋشىلاردىڭ ءبىرى ەرلان ەسىمسەيىتوۆ, «وردا» توبىنىڭ ءانشىسى ەربولات بەدەلحان شەبەرلىك ساعاتىن وتكىزدى.
«جاستاردان تۇلعا رەتىندە دامۋعا دەگەن ۇمتىلىستى, ىنتا-جىگەردى كورىپ تۇرمىن. فورۋمنىڭ اتاۋىن وزدەرى تاڭداپ الدى. ولار وسىلايشا, ەل تاريحىنا تەرەڭ بويلاپ, جان-جاقتى ىزدەنەتىندەرىن كورسەتىپ وتىر. پرەزيدەنتتىڭ جاستاردى العا جەتەلەيتىن, تىڭ يدەيالاردى ىسكە اسىرۋعا مۇمكىندىك بەرەتىن, مادەنيەتىمىزدى جاڭا باعىتتا ناسيحاتتايتىن كرەاتيۆ يندۋستريانى قولداۋ قورىن اشۋ جونىندە تاپسىرماسى بار. وسى ورايدا وبلىس اكىمدىگى جاستارعا كينو, ءىت تەحنولوگيا جانە باسقا دا باعىتتاعى جوبالاردى ىسكە اسىرۋعا قولداۋ كورسەتەتىن يندۋستريا ورتالىعىن اشادى», دەدى وبلىس اكىمى سەرىك شاپكەنوۆ.
اكىمنىڭ پىكىرىنشە, جاستاردىڭ مۇنداي فورۋمىن جىل سايىن وتكىزۋگە بولادى. ويتكەنى جاڭالىقتى جاتسىنبايتىن جالىندى جاستارى بار ەل زور جەتىستىككە قول جەتكىزەدى. ال بۇل فورۋم تالاپتى جاستاردىڭ ءبىر-بىرىمەن ءتيىمدى قارىم-قاتىناس ورناتۋىنا, تاجىريبە الماسۋىنا سەپتىگىن تيگىزەدى.
زامانداستارىنا IT سالاسىن تاڭداۋدى ۇسىنعان ەرلان ەسىمسەيىتوۆ: «قازىر ءىت سالاسى قارقىندى دامىپ كەلەدى. ەلىمىزدە بۇل ماماندىقتى تاڭداعاندارعا تاجىريبە جينايتىن الاڭ دا بار. بۇل – «Astana Hub» تسيفرلى تەحنوپاركى. مۇنداي حابتى ەلىمىزدىڭ وزگە قالالارىندا, ونىڭ ىشىندە اتىراۋدا دا اشۋ جوسپارلانعان. دەمەك جاستارعا ءوزى تۇراتىن شاھاردان الىسقا ۇزاماي-اق جوبالارىن الەمگە تاراتۋعا مۇمكىندىك تۋادى. مۋزىكا, كينو, ماركەتينگ باعىتىمەن بارلىق ەلدە جۇمىس ىستەۋگە بولادى», دەدى.
«ForteBank»-ءتىڭ ماركەتينگ جونىندەگى ديرەكتورى بولعان انتون كيمنىڭ ايتۋىنشا, بۇرىن «كرەاتيۆ» سوزىنە ۇركە قارايتىندار كوپ بولعان. قازىر بۇل ءسوز ترەندكە اينالدى. «كەيىنگى ەكى اپتادا مەملەكەت باسشىسى كرەاتيۆ تۋرالى ەكى رەت پىكىر ءبىلدىردى. سوندىقتان جاستار بۇعان نازار اۋدارۋى قاجەت. ونىڭ ۇستىنە اتىراۋدا كرەاتيۆ جاستاردى قولدايتىن يندۋستريا ورتالىعى اشىلعالى وتىر. دەمەك جاستار بۋىرقانعان بۇلا كۇشىن ەمەس, كرەاتيۆ جوبالاردى ىسكە اسىراتىنداي ىزدەنىسىن تانىتۋعا ءتيىس», دەدى ا.كيم.
كينەماتوگرافيا سەكتسياسىندا رەجيسسەر ەرنار نۇرعاليەۆ تاجىريبەسىمەن ءبولىستى. ونىڭ ايتۋىنشا, كومەديالىق كارتينالارعا قىزىعۋشىلىق ارتا تۇسكەن. ارينە دراماعا, قورقىنىشتى فيلمدەرگە دە سۇرانىس بار.
«الدىمەن سۇرانىستى انىقتاۋ قاجەت. بۇل ءۇشىن الەۋمەتتىك زەرتتەۋ جۇرگىزەتىندەر بار. كەيبىر سالاعا سۇرانىس ازايۋى مۇمكىن. قازىر كوپشىلىكتىڭ قالاۋى كومەديالىق فيلمدەرگە اۋىپ تۇر. ارينە, تريللەر تۇسىرگىم كەلەدى. الايدا ازىرگە كومەديالىق كارتينالار قاجەت», دەيدى ەرنار نۇرعاليەۆ.
اكتەر جاندوس ايباسوۆتىڭ ايتۋىنا قاراعاندا, بۇل سالادا مەنەدجەرلەردىڭ جەتىسپەۋشىلىگى بايقالادى. اسىرەسە اكتەرلەرگە مەنەدجەر قاجەت. تيكتوكەرلەر مەن بلوگەرلەر دە روليك, فيلم ءتۇسىرىپ ءجۇر. ولار – ءارى اكتەر, ءارى رەجيسسەر.
«كرەاتيۆ دەگەنىمىز نە؟ بۇل – مۋزىكا, بۇل – ماركەتينگ, بۇل – IT, باسقاشا ايتقاندا, اۋقىمدى ءبىر يندۋسترياعا بىرىكتىرىلگەن ءتۇرلى سالانىڭ جيىنتىعى. مۇنىڭ ءبارىن ءبىر ادام جاساۋى عاجاپ ەمەس. ماسەلەن, مۇناي مەن گازدىڭ باعاسى ءبىر جىلدا بىرنەشە رەت قۇبىلادى. كەيدە بىرنەشە جىل بويى تۇراقتى بولادى. بۇل – نارىقتىڭ كونيۋنكتۋراسى. بۇعان كەرىسىنشە, ءبىر جاس جىگىت قىزىقتى, قوسىمشا قۇراستىردى دەلىك. سول قوسىمشانىڭ باعاسى باستاپقىدا 100 دوللار بولۋى مۇمكىن. ال كەيىن ميللياردقا, بالكىم, 100 ميلليارد دوللارعا جەتۋى مۇمكىن. مىنە, بۇل – كرەاتيۆتى قادامنىڭ جەمىسى», دەيدى انتون كيم.
جاستاردىڭ توپشىلاۋىنشا, ەلىمىزدە كرەاتيۆ يندۋستريانىڭ ۇلەسى ءالى دە تومەن. ىشكى جالپى ونىمگە قوسقان ۇلەسى ءبىر پايىزدان الدەقايدا از.
«كرەاتيۆ يندۋستريانىڭ ارتىقشىلىعى نەدە؟ بۇل – ءوز ءونىمىن بۇكىل الەمگە ساتۋعا شىعاراتىن جول. بۇعان مىسال كوپ. بۇگىنگى «Wوlt» نەمەسە «Glovo» كەرەمەتىن ەستونيالىق جىگىتتەر ويلاپ تاپقان. قازىر بۇل جوبالار كوپتەگەن ەلگە تاراپ جاتىر. ال ەلىمىزدە شە؟ بىزدە مۇنداي جاڭاشىلدىق ءالى دە از ەكەنى بەلگىلى. بىراق ەلىمىزدە دە كرەاتيۆتى جوبالار ىسكە اساتىنىنا سەنەمىن. وسىنداي فورۋمدار جاستاردىڭ كرەاتيۆ يندۋستريادا جاڭاشىل جوبالار ۇسىنۋىنا, ءوز ءونىمىن شىعارۋىنا, ينۆەستورلاردىڭ نازارىن اۋدارۋىنا جول اشادى. ويتكەنى تمد-دا, ەۋروپا مەن ازيادا تانىمال بولا الاتىنداي قوسىمشانى جاساۋ قيىن ەمەس», دەپ تۇيىندەدى ويىن ا.كيم.
ينجەنەر ماماندىعىن مەڭگەرگەن سپيكەر ماركەتينگتى الەۋمەتتىك ينجەنەريانىڭ ءبىر ءتۇرى دەپ ەسەپتەيدى. «ينجەنەرلەر – نەگىزگى ۇدەرىستى دامىتاتىن ماماندار. جالپى, ادامداردى گۋمانيتارلىق جانە جاراتىلىستانۋ, نە ماتەماتيكا باعىتىنا بولۋگە بولمايدى. بۇل – بۇرىنعىنىڭ ءادىسى. قازىر الدىمەن جاس ەرەكشەلىگىن شەكتەۋ قويماي, ءار دەڭگەيدەگى بۋىننىڭ, اسىرەسە جاستاردىڭ تالانتىنا باسا ءمان بەرۋ كەرەك. ماسەلەن, ديماش قۇدايبەرگەن – كرەاتيۆ يندۋستريانىڭ جارقىن وكىلى. ونىڭ باعدارلاماشى, نە ينجەنەر بولۋى شارت ەمەس. ءبىر سوزبەن ايتقاندا, جاستاردى جاڭا قىرىن اشۋعا, جەتىستىككە جەتكىزەتىن باعىتتى ايقىنداۋعا تالپىندىرعان ءجون. ايگىلى ستيۆ دجوبس ماتەماتيك ەمەس, ماركەتولوگ ەدى. ول ءوزىنىڭ جانىنا مىقتى ادامداردى توپتاستىرا الدى. سول سەبەپتى جاڭاشىلدىققا ۇمتىلاتىن جاستاردىڭ جارقىراي كورىنۋىنە جول اشىلعانىن قالايمىن», دەيدى ول.
اتىراۋ وبلىسى
