قاسىم-جومارت توقاەۆ ناتاشا پيرتس-مۋساردى كەلەسى جىلى ەلىمىزدە وتەتىن استانا حالىقارالىق فورۋمىنا قاتىسۋعا شاقىردى.
«مەن ءسىزدى قازاقستانعا ساپارمەن كەلۋگە رەسمي تۇردە شاقىرامىن. كەلەسى جىلى ماۋسىم ايىنىڭ ورتاسىندا ەلىمىزدە استانا حالىقارالىق فورۋمى وتەدى. وندا ساياسات جانە ەكونوميكا ماسەلەلەرى تالقىلانادى. بيىلعى ماۋسىم ايىندا وتكەن فورۋم وتە تابىستى بولدى. وزگە مەملەكەتتەردىڭ باسشىلارى, پرەمەر-مينيسترلەرى, سونداي-اق كوپتەگەن ترانسۇلتتىق كومپانيالاردىڭ جەتەكشىلەرىمەن بىرگە ءسىز دە اتالعان فورۋمنىڭ نەگىزگى سپيكەرلەرىنىڭ ءبىرى بولاسىز دەپ ۇمىتتەنەمىن», دەدى قاسىم-جومارت توقاەۆ.
پرەزيدەنتتەر قازاقستان مەن سلوۆەنيانىڭ ساۋدا-ەكونوميكالىق, كولىك-لوگيستيكالىق جانە گۋمانيتارلىق سالالارداعى ىقپالداستىق پەرسپەكتيۆالارىن تالقىلادى.
سونداي-اق اڭگىمەلەسۋ بارىسىندا فارماتسەۆتيكا, لوگيستيكا جانە IT يندۋسترياسى سالالارىنداعى ءوزارا بايلانىستاردىڭ وڭ تاجىريبەسىنە نازار اۋدارىلدى.
