جيىندا ادام جانە قىزمەتكەرلەر قۇقىعى, ەڭبەك نارىعى مەن كەدەيلىكتى جەڭۋ ماسەلەسى, ەڭبەك داۋلارىن رەتتەۋ, HR-ماماندارىن دامىتۋ تاجىريبەلەرى جونىندە ءبىرشاما ماڭىزدى ماسەلە تالقىلانىپ جاتىر.
ءىس-شارا بارىسىندا ءسوز سويلەگەن «وتباسى بانك» اق باسقارما ءتورايىمى ءلاززات يبراگيموۆا, قازىر كومپانيالار ەلدەگى دارىندىلار ءۇشىن باسەكەلەسىپ جاتقانىن ايتىپ ءوتتى. ونىڭ سوزىنشە, ءىت-ماماندار مەن مىقتى مەنەدجەرلەر ەلىمىزدە تاپشى.
«بۇگىندە قانداي كومپانيا بولسىن بيزنەستى اۆتوماتتاندىرۋعا بارىن سالادى. ال ول ءۇشىن بىلىكتى ماماندار قاجەت. ەڭ دارىندىلارعا قازىر باسەكە قىزۋ. ەگەر الدە ءبىر ماماننىڭ شىن مانىندە مىقتى ەكەنىنە كوزىم جەتسە, مەن ونى ءوزىم شاقىرىپ, سويلەسۋگە تىرىسام», دەيدى وتباسى بانك باسشىسى.
وتباسى بانكتىڭ ادام رەسۋرستارى جانە ۇيىمداستىرۋ قىزمەتى جونىندەگى دەپارتامەنت ديرەكتورى اسىل ايتقۇلوۆ, HR-ماماندارى قاشان دا قولداۋ كۇتەتىنىن اتاپ ءوتتى. ولارعا دۇرىس ءارى ۋاقىتىلى بەرىلگەن باعىت پەن ماقساتى ايقىن تاپسىرمالار كومپانيا ۆەكتورىن ءدال انىقتاپ, ۇجىم قىزمەتىن دامىتاتىنىن اتاپ ءوتتى.
«ۇجىم اراسىنداعى كورپوراتيۆتىك مادەنيەت جوعارى, ءبىز ءار قىزمەتكەردى ەستۋگە, ونىمەن ديالوگ قۇرۋعا تىرىسامىز. وسكەلەڭ ۇرپاقتىڭ «يدەيالار بانكىن» قۋانا قارسى الامىز», دەدى ول.
پانەلدى سەسسيا سوڭىندا ءار كومپانيانىڭ باسشىسى ءتۇيىن ءسوز سويلەپ, HR-سالانى دامىتۋ جونىندە ويلارىن ورتاعا سالدى. ال ءبىز حالىق اراسىندا كەڭىنەن تانىمال, يپوتەكالىق نارىقتاعى سالماعى اۋىر, ءىرى قارجى ينستيتۋتىنىڭ ءتورايىمى ءلاززات يبراگيموۆانى تاعى دا سوزگە تارتتىق.
ء«بىز جۇمىسقا ءاردايىم ساراپشىلاردى, بىلىكتى مامانداردى ىزدەيمىز. كوممەرتسيالىق بانكتەرگە قاراعاندا, junior-لارمەن جۇمىس باستاپ, ياعني ازداعان تاجىريبەسى بار جاس مامانداردى الىپ, ولاردى وقىتامىز. ءبىزدىڭ قىزمەتكەرلەردىڭ ورتاشا جۇمىس ءوتىلى 6 جىلدى قۇرايدى, بۇل جاقسى HR كورسەتكىشى. كوممەرتسيالىق ۇيىمداردا قىزمەتكەرلەردىڭ نەگىزگى موتيۆاتسياسى – جالاقى بولسا, كۆازيمەملەكەتتىك سەكتور كومپانيالارى كەشەندى تاسىلدەردى قولدانۋى كەرەك. ءبىز وتە ليبەرالدىمىز, جاستاردىڭ ەركىندىگىن شەكتەمەيمىز. سونداي-اق قىزمەتكەرلەردىڭ كاسىبي ءوسۋى مەن مانسابىنىڭ جوعارلاۋىنا بانك پەن حولدينگ ىشىندە وتە جاقسى مۇمكىندىكتەر قاراستىرىلعان. بانكتە مەنەدجەر ساناتىنان جەتەكشىلىك قىزمەتكە دەيىن كوتەرىلگەن كوپتەگەن قىزمەتكەرلەرىمىز بار», دەدى ل.يبراگيموۆا
سونداي-اق بانك باسشىسى ءار قىزمەتكەرگە وتباسى بانك ميسسياسىن ءجىتى تۇسىندىرەتىنىن جەتكىزدى. سەبەبى بۇل قىزمەتتىڭ ءتۇپ-توركىنىندە يگى امالدار, وتباسىلىق قۇندىلىقتار, قازاقستاننىڭ ءاربىر وتباسىن باسپانامان قامتاماسىز ەتۋ سياقتى ىزگى نيەتتەر جيناقتالعانىن جەتكىزدى.
