فوتو: اشىق دەرەككوز
ادامنىڭ ءىشى-باۋىرىنا كىرىپ, جىلى سويلەپ, ءمۇلايىمسىپ سويلەگەن 26 جاستاعى جىگىتتى ەسىركەپ, پاتەرگە تۇرعىزعان 69 جاستاعى جالعىزباستى اقساقال ونىڭ جاقسىلىققا جاماندىق جاسايتىنىن سەزبەگەن ەكەن. قارتتىڭ سەنىمىنە ابدەن كىرگەن ەكىجۇزدى پالە ونىڭ تەلەفونىنداعى بانكتىق قوسىمشاسى ارقىلى ەكى رەت نەسيە راسىمدەگەن. نەسيەنىڭ جالپى سوماسى - 300 مىڭ تەڭگە. زەينەتاقىسىنىڭ جارتىسى نەسيەنى وتەۋگە جۇمسالعانىن كورگەندە عانا قارت ءوزىنىڭ قاپى سوققانىن ءبىر-اق ءبىلىپ, پوليتسياعا جۇگىنگەن.
پوليتسيا كۇدىكتىنى جەدەل ۇستاپ, قىلمىسىن مويىنداتقان. اقشا كەرەك بولىپ قاتتى قىسىلعان سوڭ ارتىنان قايتارارمىن دەپ وسىنداي ارام قىلىققا بارعان ەدىم دەگەن زاندەمنىڭ اقتالۋ ءسوزى دە بەكەر ەكەن.
ول ۇرلاعان اقشاسىنىڭ ءبارىن بۋكمەكەرلىك كەڭسەدەگى ستاۆكالارعا جۇمساعانى دا بەلگىلى بولدى. سوت الاياقتىڭ ۇرلاعان اقشاسىن قايتارعانىن ەسكەرىپ, 3 جارىم جىلعا باس ەركىن شەكتەۋ جاسزاسىن بەلگىلەدى.
پەتروپاۆل
