كورەيا رەسپۋبليكاسى ىشكى ىستەر جانە قاۋىپسىزدىك مينيسترلىگى (MOIS) تسيفرلىق ۇكىمەت ءمينيسترىنىڭ ورىنباسارى سۋح بورام, ءىس-شارانى اشا وتىرىپ, كورەيا ۇكىمەتى 2021 جىلدان باستاپ بۇۇدب جانە حابپەن ىنتىماقتاستىقتا ورتالىق ازيا جانە كاۆكاز ەلدەرىمەن تسيفرلىق مەملەكەتتى باسقارۋ جانە مەملەكەتتىك قىزمەت كورسەتۋ سالاسىنداعى وزىق كەيستەردى بىرلەسكەن جوبا ارقىلى بەلسەندى تۇردە ءبولىسىپ جاتقانىن اتاپ ءوتتى. سونىمەن قاتار سۋح مىرزا حاب جانە ونىڭ قاتىسۋشى ەلدەردىڭ مەملەكەتتىك باسقارۋ جانە مەملەكەتتىك قىزمەتتەر كورسەتۋ سالاسىنداعى يننوۆاتسيالار مەن تسيفرلاندىرۋ سالاسىنداعى الەۋەتتى ارتتىرۋداعى بەلسەندى كۇش-جىگەرلەرىن جوعارى باعالادى.
ۇلتتىق اقپاراتتىق قوعام اگەنتتىگىنىڭ (NIA) پرەزيدەنتى دجونگ-سۋنگ حۆان ساندىق ۇكىمەتتى ترانسفورماتسيالاۋ, اسىرەسە مەملەكەتتىك سەكتوردى دەرەكتەر نەگىزىندەگى باسقارۋعا كوشىرۋ جانە مەملەكەتتىك تسيفرلىق پلاتفورما قۇرۋ بويىنشا ىنتىماقتاستىق پەن وزىق تاجىريبەلەر جانە ءادىس-تاسىلدەرمەن الماسۋدىڭ ماڭىزدىلىعىن اتاپ ءوتتى. ول سونداي-اق NIA-نىڭ بۇۇدب جانە حابپەن ىنتىماقتاستىقتى جالعاستىرۋعا دايىن ەكەندىگىن مالىمدەدى.
تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك قىزمەتتەر كورسەتۋ كوميتەتى توراعاسىنىڭ ورىنباسارى اينۇر يۋسۋپوۆا مەن استانا مەملەكەتتىك قىزمەت حابى جوبا مەنەدجەرى باقىت جەكسەمباي ءوز سوزدەرىندە ءتيىمدى شەشىمدەر ازىرلەپ, نەگىزدەلگەن شەشىمدەر قابىلداۋدا جەتەكشى ەل – كورەيا رەسپۋبليكاسى ۇكىمەتىنىڭ, سونداي-اق ايماق ەلدەرىنىڭ وزىق تاجىريبەسىن زەردەلەپ, ولاردان ساباق الۋدا وسى جوبانىڭ ايرىقشا ماڭىزدىلىعىن اتاپ ءوتتى.
ءۇش كۇندىك ءىس-شارا باعدارلاماسى اۋقىمىندا «كورەيانىڭ تسيفرلىق ترانسفورماتسيا تاجىريبەسى» تاقىرىبىندا سەمينار ءوتىپ, سەۋل, سەدجون, پانگە, تەدجون, ينچحون قالالارىنداعى مەملەكەتتىك ورگاندارعا وقۋ ساپارى ۇيىمداستىرىلدى. مەملەكەتتىك قىزمەتكەرلەر مەن پراكتيكتەر تسيفرلىق پرواكتيۆتى مەملەكەتتىك قىزمەتتەر, تسيفرلىق سايكەستەندىرۋ جۇيەلەرى, دەرەكتەردى باسقارۋ جانە تالداۋ ادىستەرى, تسيفرلىق ۇكىمەت پلاتفورماسىنا كوشۋ ستراتەگياسى, سونداي-اق سمارت قالالار ءۇشىن يننوۆاتسيالىق شەشىمدەر سالاسىنداعى تابىستاردى زەرتتەۋگە بىرەگەي مۇمكىندىك الدى. قاتىسۋشىلار سونداي-اق ءوز ەلدەرىنىڭ تاجىريبەلەرى, جەتىستىكتەرى مەن يننوۆاتسيالارىمەن تانىستىرىپ, ىنتىماقتاستىق پەرسپەكتيۆالارىن تالقىلادى.
بۇل ءىس-شارا استانا مەملەكەتتىك قىزمەت حابى, بۇۇ دامۋ باعدارلاماسى (بۇۇدب), كورەيا رەسپۋبليكاسى ىشكى ىستەر جانە قاۋىپسىزدىك مينيسترلىگى (MOIS) جانە ۇلتتىق اقپارات قوعامى اگەنتتىگىنىڭ (NIA) كورەيا ۇكىمەتى قارجىلاندىراتىن بىرلەسكەن جوباسى اياسىندا ۇيىمداستىرىلدى.
