ءبىر ايتا كەتەرلىگى, ءدال وسى وقۋ ورداسى وقۋ باعدارلاماسى باستالماس بۇرىن 1-سىنىپقا ەندى قابىلدانعان بالالاردىڭ باسىن قوسىپ, اشىق ساباق وتكىزدى. استانا قالاسى ادىستەمەلىك ورتالىعىنىڭ ۇيىمداستىرۋىمەن «اتا زاڭىم – ەلدىگىمنىڭ بەلگىسى» تاقىرىبىندا وتكەن ساباق قازاقستان رەسپۋبليكاسىنىڭ پرەزيدەنت ورتالىعىندا ۇيىمداستىرىلدى.
ساباق كەزىندە وقۋ ورداسىنىڭ تابالدىرىعىن العاش اتتاعان بۇلدىرشىندەر «تاۋەلسىزدىك ەل ۇرانىن» حورمەن ورىنداپ, «ورنەكتەر» ءبيىن بيلەپ, «العاشقى قوڭىراۋ», «اياۋلى مەكتەبىم», «وقۋدا وزات بولامىن» اندەرىن شىرقادى. بالالار ەلىمىزدىڭ رامىزدەرى تۋرالى سۇراقتارعا ىركىلمەي جاۋاپ بەرىپ, اتا زاڭ تۋرالى ولەڭدەرىن جاتقا وقىپ, باستى زاڭ قۇجاتىندا جازىلعان قۇقىقتارىن بىلەتىندەرىن كورسەتتى. اقيىق اقىن مۇقاعاليدىڭ ء«ۇش باقىتىم», «وتان» ولەڭدەرىن ناقىشىنا كەلتىرىپ وقىعان ۇل-قىزدار ەلىمىزدىڭ ءانۇرانىن دا تەبىرەنە ورىندادى. اشىق ساباققا قاتىسقان ءبىلىم سالاسىنىڭ قىزمەتكەرلەرى, قالا مەكتەپتەرىنىڭ پەداگوگتەرى مەن اتا-انالار ءبىلىم الەمىنە ەندى عانا بەتتەگەن بۇلدىرشىندەردىڭ مەكتەپكە دايىندىعى جوعارى ەكەنىن ايتىپ, ريزاشىلىقتارىن ءبىلدىردى. پرەزيدەنت ورتالىعىنىڭ باسشىسى بوتاگوز قايىپوۆا مەكتەپ ديرەكتورى مەن مۇعالىمدەرگە جاڭا وقۋ جىلىندا ساتتىلىك تىلەپ, العىس حاتتار تاپسىردى. سونداي-اق وقۋعا بەيىمدى, ونەرلى بۇلدىرشىندەردى جاڭا وقۋ جىلىمەن قۇتتىقتاپ, سىيلىقتار ۇسىنىپ, وقۋدا وزات بولۋلارىن تىلەدى.
باستاۋىش سىنىپ مۇعالىمى قالامقاس احمەتقاليەۆا مەكتەپتەن تىس ۇيىمداستىرىلاتىن مۇنداي ساباقتار بالالاردىڭ ۇلكەن ورتاعا تەز بەيىمدەلىپ, ويلارىن ىركىلمەي اشىق جەتكىزۋلەرىنە سەپتىگىن تيگىزەتىنىن ايتادى. ء«بىزدىڭ باستى ماقساتىمىز – وقۋشىلاردىڭ بىلىمگە دەگەن قۇشتارلىعىن ارتتىرۋ, ەلىمىزدىڭ ءبىلىمدى, تاربيەلى ازاماتىن ەلجاندىققا تاربيەلەۋ. ەل تۇتقاسىن ۇستار ءار جاستى اتا زاڭىمىزعا قۇرمەتپەن قاراۋعا, فۋنكتسيونالدى ساۋاتتىلىققا ۇيرەتۋ», دەيدى ق.احمەتقاليەۆا.
ساباق بارىسىندا بالالار استانا قالاسىنىڭ ەڭ ادەمى جەرلەرى مەن تىنىس-تىرشىلىگى تۋرالى پرەزەنتاتسيامەن تانىستى. سونداي-اق ساباق كەزىندە 11-سىنىپ وقۋشىلارى بۇلدىرشىندەرگە الىپپە وقۋلىعىن سالتاناتتى تۇردە تابىستادى. 1-سىنىپ وقۋشىلارى جينالعان جۇرتتىڭ الدىندا بۇل وقۋلىقتى, كىرلەتپەي, جىرتپاي, ۇقىپتى ۇستاۋعا جانە اعا-اپكەلەرى سەكىلدى ۇلگىلى, وزات وقۋشى بولۋعا ۋادە بەردى.
اشىق ساباق سوڭىندا العاشقى قوڭىراۋ دا سوعىلدى. قوڭىراۋدى كۇمبىرلەتە سوعۋ قۇرمەتىنە قالالىق, رەسپۋبليكالىق وليمپيادالاردىڭ جۇلدەگەرى, ليتسەيدىڭ بيىلعى تۇلەگى ءاليحان مارات مەن مەكتەپ تابالدىرىعىن العاش اتتاعان اقكەربەز جالعاس يە بولدى.
