فوتو: alatransit.kz
وقيعا 9 قىركۇيەك كۇنى, ساعات 9:05-تە بولدى. قوعامدىق كولىكتىڭ جۇرگىزۋشىسى اباي داڭعىلىمەن باتىس باعىتتا, ساين كوشەسىنەن باتىسقا قاراي كەلە جاتىپ, ارنايى جاياۋ جۇرگىنشىلەرگە ارنالعان وتكەلدە جول بولىگىن كەسىپ ءوتىپ بارا جاتقان ەكى ادامدى قاعىپ كەتكەن. وقيعا ءساتى ۆيدەوعا ءتۇسىپ قالعان.
سالدارىنان جاياۋ جۇرگىنشىلەردىڭ ءبىرى 1958 جىلى تۋعان ەر ادام العان جاراقاتتارىنان وقيعا ورنىندا كوز جۇمدى. تاعى ءبىر جاياۋ جۇرگىنشى, 1957 جىلى تۋعان ايەل قالالىق اۋرۋحانالاردىڭ بىرىنە جاتقىزىلدى.
«بۇل دەرەك قىلمىستىق كودەكستىڭ 345-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلىپ, ساراپتاما تاعايىندالدى», دەپ حابارلادى الماتى پوليتسيا دەپارتامەنتىنىڭ ءباسپاسوز قىزمەتى.
