فوتو: استانا قالاسى اكىمدىگى
بريفينگكە استانا قالاسىنىڭ ءبىلىم باسقارماسىنىڭ باسشىسى قاسىمحان سەنعازى ۇلى قاتىستى.
ەسەت بەرىك ۇلىنىڭ ايتۋىنشا, استانادا جاڭا وقۋ جىلىندا 1 سىنىپقا 27 مىڭ بالا بارعان. قالاداعى بالالاردىڭ جالپى سانى - 259 مىڭ. 169 مەكتەپ ءبىلىم بەرەدى, ونىڭ ىشىندە 101 - مەملەكەتتىك, 61 - جەكەمەنشىك, 7 - رەسپۋبليكالىق مەكتەپ. ايتا كەتسەك, بىلتىرعى جىلمەن سالىستىرعاندا بالا سانى 22 مىڭعا ارتقان.
«بۇگىندە ەلوردادا 169 مەكتەپ جۇمىس ىستەيدى (ونىڭ ىشىندە 101 مەملەكەتتىك, 61 جەكەمەنشىك, 7 رەسپۋبليكالىق مەكتەپ). قالا تۇرعىندارىنىڭ جىل سايىن ءوسۋى وقۋشى سانىنىڭ وسۋىنە دە اكەلەدى. وسى ورايدا الەۋمەتتىك نىسانداردىڭ دا قۇرىلىسى باستى نازاردا. قازىرگى ۋاقىتتا قالادا 14 مەكتەپتىڭ قۇرىلىسى ءجۇرىپ جاتىر, ونىڭ ىشىندە 11 مەكتەپ وسى وقۋ جىلىندا پايدالانۋعا بەرىلەدى.
وقۋ جىلىنىڭ باسىندا 4 مەكتەپ (1 مەكتەپ, 1 مەكتەپتىڭ جانىنان سالىنعان جاڭا كورپۋس, 2 جەكەمەنشىك مەكتەپ) پايدالانۋعا بەرىلدى», دەدى سپيكەر.
بيىل ەكى اۋىسىمدا 2400 وقۋشى ورنىنا ارنالعان №96 مەكتەپ-گيمنازياسىنىڭ پايدالانۋعا بەرىلۋى №85 مەكتەپ-ليتسەيىنىڭ ۇشاۋىسىمدىق ماسەلەسىن شەشتى.
مەكتەپ قۇرىلىسىنا جەكە ينۆەستيتسيا دا تارتىلىپ جاتىر. اتاپ ايتقاندا, «Spectrum» جانە «Riviera International» حالىقارالىق مەكتەبى جاڭا وقۋ جىلىندا پايدالانۋعا بەرىلگەن.
«قالاداعى ۇشاۋىسىمدىق مەكتەپ ماسەلەسى مەملەكەت باسشىسىنىڭ تاپسىرماسى بويىنشا «جايلى مەكتەپ» ۇلتتىق جوباسى اياسىندا 90 مىڭداي وقۋشىعا ارنالعان (2 اۋىسىمدا) 24 مەكتەپتىڭ قۇرىلىسى اياقتالعاننان كەيىن شەشىلەدى», دەدى قالا اكىمىنىڭ ورىنباسارى.
مەكتەپكە دەيىنگى ءبىلىم بەرۋ ۇيىمدارى تۋرالى ايتا كەتسەك, قازىرگى ۋاقىتتا استانا قالاسىندا 67 642 بالانى قامتيتىن 505 مەكتەپكە دەيىنگى ۇيىم جۇمىس ىستەيدى. (100 مەملەكەتتىك, 402 جەكەمەنشىك, 3 ۆەدومستۆولىق).
«اعىمداعى كەزەڭدە INDIGO ەلەكتروندى پورتالىندا مەكتەپكە دەيىنگى جاستاعى 60 971 بالا تىركەلگەن, ونىڭ ىشىندە 2 مەن 6 جاس ارالىعىنداعى 41 818 بالا. بيىل بالاباقشالاردا جالپى سانى 10 317 ورىنعا قوسىمشا مەملەكەتتىك تاپسىرىس ورنالاستىرىلدى. ونىڭ ء9157–ى قاڭتار-ءساۋىر ايىندا ورنالاستىرىلدى, قالعان 1360 ورىن وسى قىركۇيەك ايىندا ورنالاستىرىلىپ, قۇجاتتار قابىلدانىپ جاتىر. بارلىعى INDIGO سايتى ارقىلى جۇزەگە اسىرىلاتىنىن جاقسى بىلەسىزدەر», دەدى ەسەت بايكەن.
ونىڭ ايتۋىنشا, جاڭا بالاباقشالاردى اشۋ ماسەلەسى بويىنشا ۇستىمىزدەگى جىلى مەكتەپكە دەيىنگى ۇيىمدار جانىنان 500 ورىنعا تۇرعىن ءۇي كەشەندەرىنىڭ ءبىرىنشى قاباتتارىنان قوسىمشا عيماراتتاردى اشۋ جوسپارلانىپ وتىر.
مەملەكەت باسشىسىنىڭ تاپسىرماسىن ورىنداۋ اياسىندا وسال توپتاعى وتباسىلاردىڭ بالالارىن بالاباقشامەن قامتاماسىز ەتۋ ماسەلەسى قايتا قارالىپ, قىركۇيەكتەن باستاپ استانا قالاسى اكىمدىگى «قالاداعى مەكتەپكە دەيىنگى ءبىلىم بەرۋ ۇيىمدارى تاربيەلەنۋشىلەرىنىڭ جەكەلەگەن ساناتتارىن تەگىن تاماقتاندىرۋدى ۇيىمداستىرۋ تۋرالى» قاۋلىسىن قابىلداعان. دەمەك, اتالعان قاۋلىعا سايكەس حالىقتىڭ الەۋمەتتىك وسال توبىنداعى بالالار بالاباقشاعا تەگىن بارادى. ياعني وسى ۋاقىتقا دەيىن اتا-انا بالاباقشاعا تەك تاماقتانۋ اقىسىن تولەپ كەلسە, ەندى ول مەملەكەت ەسەبىنەن جۇرگىزىلەتىن بولادى. اتا-انا تەك بالاسى قوسىمشا ۇيىرمەلەرگە باراتىن بولسا عانا كەلىسىم-شارت نەگىزىندە اقى تولەيدى.
بۇگىنگى تاڭدا ەلوردادا 32 كوللەدج بار. (9 - مەملەكەتتىك, 23 - جەكەمەنشىك). كادرلاردى دايارلاۋ 75 ماماندىق جانە 122 بىلىكتىلىك بويىنشا جۇزەگە اسىرىلادى.
بۇگىندە بارلىق كوللەدجدەردە كابينەتتەرگە, شەبەرحانالار مەن جاتاقحانالارعا اعىمداعى جوندەۋ جۇمىستارى جۇرگىزىلىپ, ءبىلىم بەرۋ باعدارلامالارى وزەكتەندىرىلگەن, پەداگوگيكالىق شتات جاساقتالعان. بۇگىنگى تاڭدا 18 جاتاقحاناعا 2696 ستۋدەنت ورنالاستىرىلدى.
«بيىل «بارشاعا ارنالعان تەگىن كاسىپتىك تەحنيكالىق ءبىلىم بەرۋ» جوباسى شەڭبەرىندە 8500 گرانت ورنالاستىرىلدى. وتكەن جىلمەن سالىستىرعاندا 1200 ورىنعا كوبەيدى», دەدى سپيكەر.
وسى وقۋ جىلىندا العاش رەت پيلوتتىق جوبا شەڭبەرىندە قالانىڭ 170, 10-11 سىنىپ وقۋشىلارىنا ارنالعان ەكسپەريمەنتتىك ءبىلىم بەرۋ باعدارلامالارى بويىنشا قابىلداۋ جۇزەگە اسىرىلدى. اتالعان ەكسپەريمەنت بويىنشا وقۋشىلار 1,5 جىلدان كەيىن ءبىلىم تۋرالى اتتەستاتى مەن جۇمىسشى ماماندىعى بويىنشا ديپلومدى قوسا الىپ شىعادى.
سونداي-اق ونلاين-بريفينگتە قويىلعان سۇراقتارعا قالا اكىمىنىڭ ورىنباسارى مەن ءبىلىم بەرۋ باسقارماسىنىڭ باسشىسى تۇشىمدى جاۋاپتارىن بەردى.
