«Alstom» كومپانياسى – زياتكەرلىك جانە ورنىقتى موبيلدىلىك سالاسىندا الەمدىك كوشباسشى. كومپانيا استانادا بۇكىل ومىرلىك تسيكل بويىنا تەمىرجول كولىگىنىڭ بارلىق تۇرىنە ارنالعان اربالاردى ءوندىرۋ مەن ولارعا قىزمەت كورسەتۋگە ماماندانعان اربالاردى ءوندىرۋ جانە جوندەۋ ورتالىعىن العاشقى بولىپ اشتى. جاڭا ورتالىقتىڭ الاڭى 8000 شارشى مەتردى قۇرايدى. «Alstom»-نىڭ قازاقستانداعى دامۋ جوسپارى اياسىندا كومپانيا اربالاردى ءوندىرۋ جانە جوندەۋ جونىندەگى ورتالىقتى قۇرۋعا 15 ملن ەۋرودان استام ينۆەستيتسيا سالعان. ەندى وندا 100-دەن استام مامان-قىزمەتكەر جۇمىس ىستەيتىن بولادى.
كاسىپورىننىڭ باسىم مىندەتتەرى – قۇرامداس بولىكتەردىڭ قىزمەت ەتۋ مەرزىمىن ۇزارتۋ. ءسويتىپ, ءتيىمدى تەحنيكالىق قىزمەت جاساۋ جوسپارلارى مەن بارىنشا پايدالانۋ دايىندىعىن قامتاماسىز ەتۋگە ءتيىس. سونداي-اق جەتىلدىرىلگەن كۇيگە نەگىزدەلگەن تەحنيكالىق قىزمەت كورسەتۋ فۋنكتسيالارى سياقتى شارالار ارقىلى وپەراتورلارعا ارنالعان مەنشىكتىڭ جيىنتىق قۇنىن وڭتايلاندىرۋ بولىپ وتىر.
كومپانيا وندىرگەن اربالار جوعارى بەرىكتىلىگىمەن ەرەكشەلەنەدى. ول ءارتۇرلى تابيعي-كليماتتىق جاعدايلاردا جۇمىس ىستەي بەرەتىنىمەن دە ەرەكشەلەنەدى. سونداي-اق سىنعان, مايىسقان جاعدايدا قايتا وڭدەۋگە 98% جارامدى. اربالاردى ءوندىرۋ جانە جوندەۋ ورتالىعى جابدىق وندىرۋشىلەرىنىڭ ءبىلىمى مەن تەحنولوگياسىن يننوۆاتسيالىق ازىرلەمەلەرمەن بىرىكتىرەدى.
«اربالاردى ءوندىرۋ جانە جوندەۋ ورتالىعىمىز 25 جىل بويى «Alstom» جۇك جانە جولاۋشىلار ەلەكتروۆوزدارىنا تولىق تەحنيكالىق قىزمەت كورسەتۋدى قامتاماسىز ەتۋدە نەگىزگى ءرول اتقارىپ كەلەدى», دەيدى باتىس جانە ورتالىق ازياداعى باسقارۋشى ديرەكتور قانات الپىسباەۆ.
«Alstom» ومىرلىك تسيكلدى باسقارۋ جانە تەحنيكالىق شەشىمدەر ارقىلى اربالار مەن ولاردىڭ قۇرامداستارىنىڭ ءمىنسىز جاي-كۇيىن جوندەۋ جانە كۇردەلى جوندەۋ ارقىلى قالپىنا كەلتىرە وتىرىپ, ءارتۇرلى قىزمەتتى ۇسىنادى. ورتالىق دوڭگەلەك جۇپتارى مەن تەربەلىس باسەڭدەتكىشتەرىن جوندەۋدى, 3D-ولشەمدەرىن, بۇزبايتىن, بۇزىلمايتىن باقىلاۋدى جۇزەگە اسىرادى. بۇلارمەن بىرگە دوڭگەلەك جۇپتارى مەن قوزعالتقىشتاردىڭ سىناقتارىن, سونداي-اق تسيفرلىق وندىرىستىك ۇدەرىس نەگىزىندە جۇزەگە اسىرىلاتىن وسىعان بايلانىستى باسقا دا جۇمىستاردى قامتيتىن اربالاردىڭ توراپتارىن جوندەۋگە مۇمكىندىك بەرەدى. سونىمەن قاتار ورتالىق «Alstom» كومپانياسى وندىرمەگەن تەمىرجول كولىك قۇرالدارىنىڭ قۇرامداستارىنا دا قىزمەت كورسەتە الادى.
«بۇل وزىق وندىرىستىك نىسان قازاقستاندا «Alstom» كومپانياسىنىڭ يندۋستريالاندىرۋىن دامىتۋدىڭ ناتيجەسى بولدى. اربالاردى ءوندىرۋ جانە جوندەۋ ورتالىعىمىز 25 جىل بويى «Alstom» جۇك جانە جولاۋشىلار ەلەكتروۆوزدارىنا تولىق تەحنيكالىق قىزمەت كورسەتۋدى قامتاماسىز ەتۋدە نەگىزگى ءرول اتقارىپ كەلەدى. يننوۆاتسيالىق جابدىقتار مەن قىزمەتتەردىڭ تولىق سپەكترىنە يە بولا وتىرىپ, ءبىز قازاقستاندا موبيلدىلىكتى قامتاماسىز ەتۋدەگى سەنىمدى سەرىكتەس رەتىندە قولداۋ كورسەتۋگە قۋانىشتىمىز», دەدى ق.الپىسباەۆ.
«Alstom» كومپانياسىنىڭ باتىس جانە ورتالىق ازيادا 1000-نان استام قىزمەتكەرى بار. قازاقستاندا, ازەربايجان مەن وزبەكستاندا ءۇش وكىلدىگى, بەس قويماسى, سەرۆيستىك ورتالىعى جانە ەكى زاۋىتى بار. استانا قالاسىنداعى ەلەكتروۆوزداردى ءوندىرۋ مەن ولارعا قىزمەت كورسەتۋ جانە تارتىم ترانسفورماتورلارىن شىعارۋ جونىندەگى ەقز مەن الماتى قالاسىنداعى باعىتتامالىق بۇرمالاردى ءوندىرۋ جونىندەگى كەپ-تە اتالعان كومپانيانىڭ يەلىگىندە.
