فوتو: aqtobegazeti.kz
«كەشە كەشكى ساعات 20.00 شاماسىندا كەڭقياق, ساركول, شۇبارشي اۋىلدارىنىڭ تۇرعىندارى گازدىڭ يىسىنەن تۇنشىعىپ شاعىمدانعان. شۇبارشي گاز تاراتۋ ستانتسياسىنىڭ جۇمىسى تولىعىمەن توقتاپ, جوسپارلى جوندەۋ جۇرگىزۋگە بايلانىستى گازدان اجىراتىلععان. گاز جىبەرۋ توقتاتىلىپ, بۇراندالى كران اۋىستىرىلعاندا اۋاعا «ودورانت» گازى جايىلعان.
«جەرگىلىكتى تۇرعىنداردان شاعىم تۇسكەننەن كەيىن «تەحنوگاز» جشس ماماندارى كەڭقياق, ساركول اۋىلدارىنىڭ تۇرعىن ۇيلەرىن ارالاپ شىقتى. ناتيجەسىندە گازدىڭ تارالۋ دەرەكتەرى انىقتالعان جوق. ال كەڭقياق اۋىلىنىڭ اۋرۋحاناسىنا 6 تۇرعىن (كەڭقياق اۋىلىنان – 4 تۇرعىن, ساركول اۋىلىنان – 2 تۇرعىن) گازبەن ۋلانۋ بەلگىلەرىمەن جۇگىندى. قازىرگى ۋاقىتتا بارلىعىنا العاشقى مەديتسينالىق كومەك كورسەتىلدى.
باسقا زارداپ شەككەندەر جوق. وسى دەرەك بويىنشا ەكولوگيا, سەس جانە توتەنشە جاعدايلار دەپارتامەنتىنە دەر كەزىندە حابار بەرىلدى, جاعداي تۇراقتى, باقىلاۋدا», دەلىنگەن حابارلامادا.
