قازنەتتىڭ العاشقى قادامدارى

كەشە الماتىدا وتكەن كەڭەستە بايلانىس جانە اقپارات ءمينيسترى اسقار جۇماعاليەۆ ينتەرنەت جۇيەسىندە قازاقستاندىق سەگمەنتتى دامىتۋدىڭ ماڭىزدىلىعىن اتاپ كورسەتتى. قازنەتتى دامىتۋ جونىندەگى اتالمىش كەڭەسكە بايلانىس جانە اقپارات مينيسترلىگىنىڭ, “قازكون­تەنت” اق وكىلدەرى جانە “قا­زاق­ستان ينتەرنەت قاۋىمداستىعى” زاڭ­دى تۇلعالار بىرلەستىكتەرىنىڭ وكىل­دەرى قاتىسىپ, وزەكتى وي-پىكىر­لەرىن ورتاعا سالدى. ءمينيستردىڭ ايتۋىنشا, قازنەتتى دامىتۋ قازىرگى ۋاقىتتا مينيسترلىك قىزمەتىنىڭ باسىم باعىتتارىنىڭ ءبىرى بولىپ تابىلادى. ويتكەنى, بۇل سالا ناق قازىر جەدەل قارقىنمەن ءوسۋ ۇستىندە ءارى بيزنەس-ورتادا ءوزىنىڭ كوممەر­تسيالىق تارتىمدىلىعىمەن ايرىق­شا كوزگە ءتۇسىپ وتىر. ا.جۇماعاليەۆ قازاقستاندىق سايت­تاردى قولداۋدىڭ مەملەكەتتىك باعدارلاماسىن جۇزەگە اسىرۋداعى يگىلىكتى ىزدەنىستەرگە توقتالا كەلە, وسى ورايدا مەملەكەتتىك قولداۋعا يە بولعان العاشقى جەتى سايتتىڭ اتتارىن اتادى. مينيستر سول ارادا ولاردىڭ اۆتورلارى مەن يەلەرىنە تەگىن حوستينگ سەرتيفيكاتتارىن تا­بىس ەتتى. ينتەرنەتتىك اقپارات اي­دىنىندا تەگىن جۇمىس ىستەۋدىڭ قۇر­مەتتى قۇقىعىن يەلەنگەن العاشقى قارلىعاشتار قاتارىندا  الەكسەي ششەگلوۆ ء(nىght.kz), اسحات ەركىمباي ء(mىnber.kz), ۆالەنتينا بوروۆايا ء(uchى.kz), مارات تۇنقاتاروۆ (kzmz.kz, mama.kz, comport.kz)  جانە باسقالار بار. ءۇش بىردەي جوبانىڭ جاساۋشى اۆتورى م.تۇنقاتاروۆ ءوزىنىڭ جاۋاپ سوزىندە وسىنداي جاقسى مۇمكىن­دىك­تەر تۋعىزىپ وتىرعان مەملەكەتتىك قولداۋ ءۇشىن مينيسترلىككە جانە قازاقتەلەكومنىڭ ماماندارىنا العىس ايتتى. ماراتتىڭ ءبىر سايتى جاس انالار ءۇشىن پايدالى كەڭەستەر بەرىپ, ءسابي كۇتىمىندە كوپ سەپتىگىن تيگىزۋدە. ال جۋرناليست, web-رەداكتور ۆ.بوروۆايانىڭ جوباسى جوعارى سىنىپ وقۋشىلارىن ءبىلىم كوكجيەگىنە قۇلشىندىرىپ, ۇبت-عا ۇتىمدى دايىندالۋ ورايىندا تاپتىرمايتىن كومەكشى بولۋدا. جالپى, مەملەكەتتىك باعدارلاما حوستينگ قىزمەتىن تەگىن بەرۋ ار­قى­لى قازاقستاندىق سايتتاردى قول­داۋدى كوزدەيدى. وسىلايشا ولاردىڭ ۇنەمدەلگەن قارجىسىن رەسۋرس ءورىسىن كەڭەيتۋگە جۇمساۋعا مۇمكىندىك تۋ­عىزادى. كەزدەسۋ بارىسىندا باعدار­لاماعا قاتىسۋ ءۇشىن بەلگىلەنگەن تا­لاپتارعا ساي كەلەتىن رەسۋرستار شاقىرىلاتىنى باسا ايتىلدى. مۇنداي سايتتاردىڭ كەيبىرى ءتىپتى ايىنا التى مىڭ رەتتەن اشىلاتىن كورىنەدى. بۇل جونىندە “قازكون­تەنت” اق باسقارماسىنىڭ توراعاسى ازامات وماروۆ اڭگىمەلەدى. سونىمەن بىرگە كەزدەسۋدە قا­زاقستان ينتەرنەت قاۋىمداستى­عىنىڭ ينتەرنەت جۇيەسىندەگى قا­زاقستاندىق سەگمەنتتىڭ نورما­تيۆ­تىك-قۇقىقتىق نەگىزىن جەتىلدىرۋ جونىندەگى ۇسىنىستارى تانىستى­رىل­دى. ەلىمىزدەگى حوستينگ قىزمەتىن دامىتۋ جايى ءسوز بولدى. “قاز­كون­تەنت” اق قازىر مينيسترلىكپەن ءجا­نە قازتەلەكوممەن بىرلەسە وتىرىپ وتاندىق حوستينگ الاڭدارى ءۇشىن جاق­سى جاعداي جاساۋ مۇمكىندىكتەرىن قاراستىرۋدا. قازاقستاندىق ينتەر­نەت-قوعامداستىقتىڭ وكىلدەرى بۇل كەزدەسۋدىڭ جەمىستىلىگىن اتاپ ءوتىپ, وس­ىنداي ىنتىماقتاستىقتىڭ ال­دا­عى ۋاقىتتا قازنەتتى جاڭا ساپالىق بي­ىكتەرگە كوتەرەتىندىگىنە سەنىم ءبىلدىردى. قورعانبەك امانجول.