«قازاقستان تەمىر جولىن» تولىققاندى كولىك-لوگيستيكا كومپانياسى ەتىپ قايتا قۇرۋ جۇمىسىن جۋىق ارادا اياقتاۋ قاجەت. سونداي-اق اۆتوكولىك جولدارىنىڭ قۇرىلىسى ماسەلەسى شەشىمىن تابۋعا ءتيىس. قازىر ونىڭ ساپاسى سىن كوتەرمەيدى. ءتيىستى جۇمىستار ۋاقتىلى جانە ساپالى جاسالمايدى. جەمقورلىق بەلەڭ الىپ تۇر, باسەكە دە جوقتىڭ قاسى. مۇنىڭ ءبارى – وسى سالادا ابدەن تامىر جايعان كەمشىلىكتەر», دەگەن پرەزيدەنت ولقىلىقتاردى جويۋ ءۇشىن ناقتى تاپسىرما جۇكتەدى.
«جىل سوڭىنا دەيىن ناقتى شارالار قابىلداۋ قاجەت. مىندەتىن ادال اتقارماعان بارلىق كومپانيا زاڭ بويىنشا جاۋاپقا تارتىلادى. بۇل ماسەلەگە مەن باسا نازار اۋدارامىن. باقىلاۋدى كۇشەيتىپ, جاڭا نورماتيۆتىك قۇجاتتار قابىلداۋ كەرەك. 2029 جىلعا دەيىن 4 مىڭ شاقىرىمنان استام جولعا كۇردەلى جوندەۋ جۇرگىزۋ قاجەت», دەدى مەملەكەت باسشىسى.
سونىمەن بىرگە پرەزيدەنت كەلەشەكتە ەۋرازيا قۇرلىعىندا كولىك-لوگيستيكا ءورىسى بويىنشا ءىرى مەملەكەتكە اينالۋ قاجەت ەكەنىن ايتتى.
«جالپى العاندا, قازاقستان ەۋرازيا قۇرلىعىنداعى باستى ترانزيت حابى رەتىندەگى ءرولىن ارتتىرۋى كەرەك. وسىلايشا, ۋاقىت وتە كەلە كولىك-لوگيستيكا سالاسىنداعى ءىرى مەملەكەتكە اينالۋىمىز قاجەت. كولىك-لوگيستيكا سالاسىن قارقىندى دامىتۋ – بۇل ستراتەگيالىق مىندەت. ءۇش جىل ىشىندە ونىڭ ىشكى جالپى ونىمدەگى ۇلەسى كەمىندە 9 پايىزعا جەتۋگە ءتيىس. ول ءۇشىن سالانى ءتيىمدى باسقارۋ وتە ماڭىزدى», دەگەن پرەزيدەنت كولىك مينيسترلىگىنىڭ اياسىن كەڭەيتىپ, قايتا قۇرىپ, جول ينفراقۇرىلىمىن سالۋ جۇمىسى وسى ۆەدومستۆونىڭ ەنشىسىنە بەرىلەتىنىن ايتتى.
