فوتو: ساۋدا جانە ينتەگراتسيا مينيسترلىگى
ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ توراعاسى قۋانىش ەلىكباەۆ وكق بريفينگىندە قازاقستانداعى حالال ينفراقۇرىلىمىنىڭ دامۋى تۋراسىندا ايتتى.
ونىڭ ايتۋىنشا, حالال ازىق-ت ۇلىكتىڭ الەمدىك نارىعى 1,5-تەن 2,2 ملرد (اقش دوللارى), 2028 جىلى 4,1 ملرد-قا دەيىن وپتيميستىك ءوسۋ الەۋەتى بار, جىل سايىن 10-15%-عا دەيىن وسەدى. قازاقستان ۇزدىك حالىقارالىق تاجىريبەلەرگە نەگىزدەلگەن حالال-يندۋستريانىڭ ۇلتتىق ينفراقۇرىلىمىن بەلسەندى دامىتىپ, ەكسپورتتاۋشىلاردى جاڭا نارىقتارعا شىعارادى. تۇتاستاي العاندا, الەمدە تۇتىنۋشىلاردىڭ حالال ازىق-ت ۇلىككە جۇمسايتىن شىعىندارى بۇگىندە بارلىق تۇتىنۋ شىعىندارىنىڭ 17% قۇرايدى. 2025 جىلعا قاراي, ساراپشىلاردىڭ باعالاۋى بويىنشا, ولار كەم دەگەندە 20%, ال 2030 جىلعا قاراي ولار 25% جەتۋى مۇمكىن.
«قازاقستان شەتتە تۇرا المايدى جانە «حالال-ونىمدەر» ەكسپورتىن ۇلعايتۋ ءۇشىن ينفراقۇرىلىمدى بەلسەندى تۇردە قۇرۋدا: بۇل ستاندارتتار, ساراپشىلاردى وقىتۋ جانە اتتەستاتتاۋ, اككرەديتتەۋ جانە سەرتيفيكاتتاۋ», دەدى كوميتەت توراعاسى.
قازاقستاندا مەملەكەتتىك دەڭگەيدە 18 ۇلتتىق ستاندارت قابىلداندى, ۇزدىك حالىقارالىق تاجىريبەلەر نەگىزىندە تمد ەلدەرى ءۇشىن گوست مەملەكەتارالىق ستاندارتتارىنىڭ 11 جوباسى ازىرلەندى. ول ءۇشىن جەتەكشى الەمدىك ستاندارتتار نەگىزگە الىندى حالىقارالىق ۇيىمدارمەن بىرقاتار مەموراندۋمدار مەن كەلىسىمدەر جاسالدى. بۇل مالدى سويۋعا, سەرتيفيكاتتاۋ ورگاندارىنا, كوسمەتيكاعا, تۋريزم مەن قىزمەتتەرگە, سايكەستىك بەلگىسىنە, سەرتيفيكاتتاۋ تارتىبىنە جانە باسقا دا تالاپتارعا دا قاتىستى.
قازاقستان حالالدى ستاندارتتاۋ جونىندەگى تەحنيكالىق كوميتەتتى العاشقىلاردىڭ ءبىرى بولىپ قۇرىپ قانا قويماي, تمد شەڭبەرىندە وسىنداي كوميتەتتىڭ حاتشىلىعىن باسقارادى.
«حالال قاعيداتتارى شوشقا ەتىنىڭ جوقتىعى تۋرالى عانا ەمەس. كوميتەت قابىلداعان ستاندارتتار ءتۇرلى نەگىزدەلگەن تالاپتاردى كوزدەيدى. كەز-كەلگەن تۇردەگى الكوگولگە تولىق تىيىم سالۋ سياقتى جالپى تالاپتار دا جوق ەمەس. ستاندارتتىڭ ناقتى تالاپتارى بار, مىسالى, سويۋ الدىندا جانۋارلاردى ازاپتاۋدى ازايتۋ. جۇكتىلىكتىڭ ءۇشىنشى كەزەڭىنەن وتكەن جانۋارلاردى سويۋعا تىيىم سالۋ. ءتىپتى توق كۇشى مەن ەلەكتر توعىنىڭ سوعۋ ۇزاقتىعى دا رەتتەلەدى. قۇستاردى سويۋ پروتسەسى تەز ارادا بولۋى كەرەك, ەگەر بۇل بولماسا, ونىمدەر حالال بولىپ سانالمايدى جانە جەكە ايماققا شىعارىلادى», دەدى سپيكەر.
قوعامدا تاۋارلارعا حالال بەلگىسىن تاڭبالاۋدىڭ دۇرىستىعى ءجيى تۋىندايدى. ازىرگە بۇل سالا ەرىكتى جانە زاڭدارمەن تىكەلەي رەتتەلمەگەن. وسىعان بايلانىستى, قترم توراعاسى مالىمدەلمەگەن كومپونەنتتەردى عانا ەمەس, سونىمەن قاتار ءوندىرىستىڭ بارلىق ينفراقۇرىلىمى مەن پروتسەستەرىن باقىلاۋ ءۇشىن وسى ماسەلەلەردى زاڭنامالىق دەڭگەيدە رەتتەۋدى ۇسىنادى.
