فوتو: اشىق دەرەككوز
ء«بىزدىڭ پارتيا مەملەكەت باسشىسىنىڭ قوعامدىق تىرەگى رەتىندە قايتا قۇرۋلارعا سەرپىن بەرەتىن پرەزيدەنتتىك رەفورمالاردى العا ىلگەرىلەتۋشىلەردىڭ ءبىرى بولىپ تابىلادى. ماسەلەن, ءبىزدىڭ فراكتسيانىڭ ءبىرىنشى تاقىرىپتىق وتىرىسىندا ۇكىمەت قابىلداعان «حالىقتىڭ تابىسىن ارتتىرۋ باعدارلاماسى» قارالدى. ءبىز بۇل ماسەلەگە مىندەتتى تۇردە قايتا ورالامىز, ويتكەنى وتانداستارىمىزدىڭ ءال-اۋقاتىن ارتتىرۋ – پرەزيدەنت رەفورمالارىنىڭ باستى ماقساتى. فراكتسيا «جايلى مەكتەپ» جوباسىنا ەرەكشە كوڭىل اۋدارادى. جالپى, كۇردەلى سىرتقى جاعدايعا جانە ەلدە قوردالانعان ماسەلەلەردىڭ شيەلەنىسۋىنە قاراماستان, ەكونوميكالىق قايتا قۇرۋلار ەلىمىزگە قيىندىقتاردى ەڭسەرۋگە مۇمكىندىك بەرەدى», دەدى ول.
وسىلايشا, «AMANAT» فراكتسياسى ءبىرىنشى سەسسيا بارىسىندا ءوز كۇش-جىگەرىن مەملەكەت باسشىسىنىڭ جولداۋلارى مەن باعدارلامالىق قۇجاتتاردى ىسكە اسىرۋعا باعىتتالعان زاڭدار پاكەتىن قابىلداۋعا جۇمىلدىردى. ءماجىلىس جۇمىسىندا 82 زاڭ جوباسى بولدى, ونىڭ 25-ءى قابىلداندى.
«ماسەلەن, دەپۋتاتتاردىڭ باستاماسىمەن سۇيىتىلعان گاز اينالىمىن رەتتەۋ تۋرالى زاڭ قابىلداندى. ول گاز تاراتۋدىڭ ءوندىرۋشى زاۋىتتان تۇتىنۋشىنىڭ رەزەرۆۋارىنا دەيىنگى اشىقتىعىن قامتيدى. ءدال وسى ماسەلەنى شەشۋگە مەملەكەت باسشىسى ەرەكشە نازار اۋداردى. سونداي-اق دەپۋتاتتار ينتەرنەت-پلاتفورمالار مەن ينتەرنەت-جارناما تۋرالى زاڭعا باستاماشى بولدى. ەل پرەزيدەنتى ءوز جولداۋىندا بۇل سالانى قۇقىقتىق رەتتەۋ قاجەتتىگىن ايتتى. زاڭ جوباسىنىڭ جان-جاقتى قوعامدىق تالقىلاۋدان وتكەنى ماڭىزدى. ازاماتتىق قوعامنىڭ پىكىرى ەسكەرىلدى», دەپ اتاپ ءوتتى البەرت راۋ.
