فوتو: asu.edu.kz
كونستيتۋتسيا كۇنىن اتاپ ءوتۋ, اتا زاڭدى ۇلىقتاپ, جاستاردىڭ قۇقىقتىق ساۋاتىن ارتتىرۋ ماقساتىندا وتكەن كونكۋرسقا ءارتۇرلى ماماندىقتا وقيتىن 250 ستۋدەنت قاتىسۋعا نيەت بىلدىرگەن ەكەن.
قاتىسۋشىلار كونكۋرستىڭ العاشقى كەزەڭىندە قازاقستان رەسپۋبليكاسى كونستيتۋتسياسىنىڭ ەرەجەلەرىن ءبىلۋ دەڭگەيىن انىقتاۋ ءۇشىن 25 سۇراقتان تۇراتىن ساۋالعا جاۋاپ بەرسە, ەكىنشى كەزەڭگە سۇرىنبەي وتكەندەر اتا زاڭنىڭ باپتارىن جاتقا ايتۋدان جارىسقان. كونكۋرسقا اتىراۋ قالالىق سوتتىڭ سۋدياسى, پروكۋرور جانە جەكە سوت ورىنداۋشى, ۋنيۆەرسيتەتتىڭ ازاماتتىق قۇقىقتىق پاندەر كافەدراسىنىڭ وقىتۋشىلارى تورەلىك ەتىپ, جەڭىمپازداردى انىقتاعان.
كونكۋرس قورىتىندىسى بويىنشا 3-ورىندى (30 پايىز جەڭىلدىك) «ەكولوگيا» ماماندىعىنىڭ ستۋدەنتى بوتاكوز ينتيماحوۆا, 2-ورىندى (50 پايىز جەڭىلدىك) قىلمىستىق-قۇقىقتىق پاندەر كافەدراسىنىڭ ستۋدەنتى مەدينا ابدەش الدى. ال باس جۇلدەنى ازاماتتىق-قۇقىقتىق پاندەر كافەدراسىنىڭ ستۋدەنتى جاڭگىر تەمىرحانوۆ ءبىر جىلدىق وقۋىن تەگىن وقۋعا سەرتيفيكات الدى.
داستۇرگە اينالعان كونكۋرس كەلەسى جىلى دا جالعاسۋى مۇمكىن.
