فوتو: parlam.kz
ماجىلىسمەندەر پاۆلودارداعى ءىرى جۇمىس بەرۋشى كاسىپورىندارىنىڭ ءبىرى سانالاتىن «قازاقستان ءاليۋمينيى» اق باردى. بۇل - دايىن اليۋميني وندىرىسىنە قاجەتتى شيكىزات شىعاراتىن جالعىز زاۋىت. جىلىنا 1,4 ملن توننا ءونىم وندىرەدى. بۇگىنگى تاڭدا مۇندا 8 مىڭعا جۋىق ادام ەڭبەك ەتۋدە.
ايتا كەتسەك, زاۋىت وندىرەتىن ءونىمنىڭ 60 پايىزى شەتەلگە جونەلتىلەدى. قالعان ءونىم ىشكى نارىقتا قالادى. نەگىزگى تۇتىنۋشى – دايىن اليۋميني وندىرەتىن قازاقستان ەلەكتروليز زاۋىتى.
ءماجىلىس دەپۋتاتى دينارا شۇكىجانوۆانىڭ ايتۋىنشا, ەلىمىزدەگى ونەركاسىپ سالاسىندا ورتاق ماسەلە بار.
ء«وندىرىس ورىندارىنىڭ الدىندا بىردەي كەدەرگىلەر تۋىنداۋدا. ونىڭ قاتارىندا, وتاندىق ءونىمدى ەكسپورتتاۋ, قۇرال-جابدىقتاردىڭ شامادان تىس قىمبات بولۋى, كادر تاپشىلىعى سياقتى ماسەلەلەر بار. بۇل ولقىلىقتاردىڭ ورنىن جۇيەلى تۇردە تولتىرۋ قاجەت. مىسالى, كورشىلەس قىتاي ەلىندە ەكسپورت سۋبسيديالانادى. سول سەبەپتەن, ءبىزدىڭ ءوندىرىس ورىنداردىڭ ولارمەن باسەكەلەسۋى وتە قيىن. بۇل ماسەلە بۇگىن ات باسىن بۇرعان «قازاقستان ءاليۋمينيى» زاۋىتىنا دا ءتان. ونىمەن قوسا مۇندا قۇرال-جابدىقتاردى جاڭارتۋ قاجەت ەكەنى بايقالادى», دەدى دينارا شۇكىجانوۆا.
