«كۇنى كەشە وتاندىق ءبىلىم بەرۋ سالاسىنا ەڭبەگى سىڭگەن, بەدەلدى ازاماتتاردىڭ باسىن قوسىپ, مينيسترلىك جانىنان رەسپۋبليكالىق ارداگەرلەر كەڭەسىن قۇردىق. كەڭەس مۇشەلەرىنىڭ اشىق داۋىس بەرۋى ناتيجەسىندە ارىپتەسىم, بەلگىلى قوعام جانە مەملەكەت قايراتكەرى قۇلەكەەۆ جاقسىبەك ابدىراحمەت ۇلى توراعا بولىپ سايلاندى», دەدى ع. بەيسەمباەۆ.
سونىمەن قاتار مينيستر مۇنداي كەڭەستەر مەكتەپتەن وبلىسقا دەيىن ەلدىڭ ءار وڭىرىندە قۇرىلۋى ءتيىس ەكەنىن اتاپ ءوتتى.
«پەداگوگ مارتەبەسى تۋرالى» زاڭعا سايكەس بارلىق پەداگوگتەردىڭ ەڭبەك جاعدايلارى جاقساردى. «پەداگوگ» كاسىبي ستاندارتى پەداگوگتىڭ ۇزدىكسىز كاسىبي دامۋىنا ىقپال ەتەدى. ونىڭ نەگىزىندە پەداگوگتەرگە, اتتەستاتتاۋعا جانە بىلىكتىلىكتى ارتتىرۋ جۇيەسىنە قويىلاتىن تالاپتار قايتا قارالادى. ەلىمىزدىڭ 620 پەداگوگى 2012 جىلدان باستاپ «ۇزدىك پەداگوگ» رەسپۋبليكالىق بايقاۋىنىڭ جەڭىمپازى اتاندى جانە ونىڭ ناتيجەسى بويىنشا 1000 ايلىق ەسەپتىك كورسەتكىش مولشەرىندە سىياقى الدى. مەملەكەت باسشىسىنىڭ تاپسىرماسىنا سايكەس, 2023 جىلدىڭ 1 قاڭتارىنان باستاپ مەكتەپ پەداگوگتەرىنىڭ جالاقىسى تاعى 25 پايىزعا ءوستى. قازىر 217 مىڭ (63%) مۇعالىم جاڭا جۇيەمەن اتتەستاتتاۋ قورىتىندىسى بويىنشا نەگىزگى جالاقىعا قوسىمشا اقى الادى», دەدى ۆەدومستۆو باسشىسى.
