فوتو: prosports.kz
اقش اشىق چەمپيوناتىنىڭ ىرىكتەۋ كەزەڭىنە قاتىسىپ جاتقان تيموفەي سكاتوۆ ءتۋرنيردىڭ ەكىنشى اينالىمىندا يتاليالىق راۋل برانكاچچومەن كەزدەسىپ, ەكى سەتتە 6:4, 6:3 ەسەبىمەن باسىم ءتۇستى.
وتانداسىمىز ەرتەڭ US Open ءتۋرنيرىنىڭ نەگىزگى كەزەڭىنە شىعۋ ءۇشىن اتر 250 Astana Open 2021 ءتۋرنيرىنىڭ ءفيناليسى دجەيمس داكۆورتپەن (اۋستراليا) سىنعا تۇسەدى. وكىنىشكە قاراي, ميحايل كۋكۋشكين ىرىكتەۋدىڭ ەكىنشى ساتىسىندا فرانتسيالىق ەنتسو كوكودان جەڭىلىپ قالدى - 6:7, 2:6.
سونداي-اق كەشە اقش اشىق چەمپيوناتىنىڭ نەگىزگى كەزەڭىنىڭ جەرەبەسى تارتىلىپ, جەرلەستەرىمىزدىڭ العاشقى قارسىلاستارى انىقتالدى. اتاپ ايتقاندا, ەلەنا رىباكينا ءبىرىنشى اينالىمدا الەمنىڭ 37-راكەتكاسى ۋكراينالىق مارتا كوستيۋكپەن, الەكساندر بۋبليك وسى ءتۋرنيردىڭ 2020 جىلعى جەڭىمپازى اۋستريالىق دومينيك تيممەن كەزدەسەدى. ال يۋليا پۋتينتسەۆا يتاليالىق مارتينا ترەۆيزانمەن شەبەرلىك بايقاسادى.
