فوتو: kapital.kz
ەڭ الدىمەن ۇيالى تەلەفونىڭىزعا «ە - Salyq Azamat» قوسىمشاسىن جۇكتەۋ كەرەك.
قوسىمشاعا كىرگەننەن كەيىن سول جاقتا جوعارى جاقتا ءۇش سىزىق تۇرادى. سونىڭ ۇستىنەن باسىپ, تومەنگى جاعىنان قازاق ءتىلىن تاڭدايسىز.
كەلەسى پروفيل پارامەترلەرىنەن تىركەلۋ دەگەن باتىرمانى باساسىز, وزىڭىزگە ىڭعايلى تىركەلۋدى تاڭدايسىز. بۇل جەرگە ءوزىڭىزدىڭ جسن-ءدى ەنگىزەسىز. كىرۋ جانە تىركەلۋ باتىرماسىن باساسىز. بۇدان سوڭ تەلەفون نومىرىڭىزگە سمس-كود كەلەدى. سمس-كود كەلگەننەن كەيىن, ونى كورۋ ءۇشىن «رازرەشيت» باتىرماسىن باساسىز. سمس-كودتى تىركەيسىز. قوسىمشاعا جىلدام كىرۋ ءۇشىن, وزىڭىزگە پارول ەنگىزەسىز. ەندى جوعارىداعى ءۇش سىزىقتى باسىپ, دەكلاراتسيا تاپسىرۋ دەگەن باتىرمانى باسىپ, 250-اكتيۆتەرى مەن مىندەتتەمەلەرى تۋرالى دەكلاراتسيانى تاڭداپ, وزىڭىزگە قاتىستى اقپاراتتاردى تولتىرىپ شىعاسىز. رەزيدەنتتىك مارتەبەسى دەگەن جەرگە رەزيدەنتتى تاڭدايسىز. بۇدان سوڭ سالىق تولەۋشىنىڭ ساناتىن تاڭداۋ كەرەك. ەگەر لاۋازىمدى تۇلعا بولساڭىز ا ساناتىن تاڭدايسىز. ال جەكە كاسىپكەر, مۇعالىم, دارىگەرلەر ۆ ساناتىن تاڭدايدى.
مەملەكەتتىك كىرىستەر كودىنا ءوزىڭىزدىڭ تۇرعىلىقتى مەكەنجايىڭىزدى ەنگىزەسىز. تەلەفون نومىرىڭىزبەن ەلەكتروندى پوشتاڭىزدى تىركەيسىز. جالعاستىرۋ باتىرماسىن باساسىز. وسىدان كەيىن شەت مەملەكەتتە تىركەلگەن مۇلكىڭىز بولسا + باتىرماسىن باسىپ, كورسەتۋىڭىز كەرەك. قازاقستاننان تىس جەردەگى بانك ەسەپ شوتىڭىزدا اقشا بولسا, ونى كورسەتۋىڭىز قاجەت. ەگەردە قازاقستاندا اتىڭىزدا م ۇلىك بولسا, ونى كورسەتۋدىڭ قاجەتى جوق. سوسىن جالعاستىرۋ باتىرماسىن باساسىز. الدىن الا قاراۋ باتىرماسىن باسىپ, ءوزىڭىزدىڭ دەكلاراتسياڭىزدى وسى جەردەن قاراي الاسىز. ەتسق نەمەسە سمس-كود ارقىلى قول قويۋىڭىز قاجەت. سمس-كود كەلگەننەن كەيىن «رازرەشيت» باتىرماسىن باسىپ, حابارلامانى جۇكتەۋ دەگەن باتىرمانى باسۋ كەرەك. سول ارقىلى قۇجات سىزدە دايىن بولادى.
