ەلىمىزدىڭ باتىسىندا, سولتۇستىك-باتىسىندا, سولتۇستىگىندە جانە شىعىسىندا تەمپەراتۋرانىڭ تومەندەۋى جانە قاتتى جاڭبىر كۇتىلەدى.
الداعى ءۇش تاۋلىكتە رەسپۋبليكانىڭ باسىم بولىگىندە اۋا رايىنىڭ تۇراقسىز سيپاتى كۇتىلەدى, نايزاعاي مەن قاتتى جەل بولادى جانە جاڭبىر جاۋادى, بۇرشاق جاۋى دا مۇمكىن.
رەسپۋبليكانىڭ باتىسىندا, سولتۇستىك-باتىسىندا, سولتۇستىگىندە جانە شىعىسىندا قاتتى جاڭبىر مەن اۋا تەمپەراتۋراسىنىڭ بىرتىندەپ تومەندەۋى بولجانۋدا. اۋا تەمپەراتۋراسىنىڭ ەڭ جوعارى تومەندەۋى رەسپۋبليكانىڭ سولتۇستىك وڭىرلەرىندە كۇتىلەدى, سولتۇستىكتەگى اۋا تەمپەراتۋراسى تۇنگى ۋاقىتتا 7-12 جىلىعا دەيىن, كۇندىز 17-22 جىلىعا دەيىن تومەندەيدى.
تەك قازاقستاننىڭ وڭتۇستىگى مەن وڭتۇستىك-شىعىسىندا تەمپەراتۋرالىق فوندا ايتارلىقتاي وزگەرىستەر كۇتىلمەيدى جانە اۋا رايى نەگىزىنەن جاۋىن شاشىنسىز بولادى دەپ بولجانىپ وتىر.
