«2023 جىلدىڭ 1 شىلدەسىنە دەيىن كەلىپ تۇسكەن بارلىق وتىنىمدەردى قاراستىرامىز. ازىرگە 15 مىڭعا جۋىق كولىكتى ۋاقىتشا تىركەۋگە الدىق. ءوتىنىم بەرىپ ۇلگەرمەگەندەردى دە قاراستىرامىز جانە ءارى قاراي تىركەيمىز», دەدى قايسار سۇلتانباەۆ ورتالىق كوممۋنيكاتسيالار قىزمەتىندە.
سونىمەن قاتار سپيكەر 2023 جىلدان كەيىن اكەلىنگەن جانە ساقتاندىرۋ مەرزىمى بىتكەن, ەش تىركەۋسىز كولىك ءمىنىپ جۇرگەندەردىڭ بۇل كولىكتى باسقارۋعا قۇقىعى جوق ەكەنىن ايتتى.
«اكىمشىلىك كودەكس بويىنشا ولارعا العاشىندا 10 اەك كولەمىندە ايىپپۇل سالىنادى. ەكىنشى رەت – اكىمشىلىك حاتتاما جاسالىپ, كولىك ايىپ تۇراعىنا قويىلادى. قازىرگى ۋاقىتتا ساقتاندىرۋسىز, ساقتاندىرۋ ءپوليسىنسىز, تەحنيكالىق بايقاۋسىز جۇرگەن 2 مىڭنان استام كولىك يەلەرىن انىقتادىق جانە ولار اكىمشىلىك جاۋاپقا تارتىلدى. قازىر 1,7 مىڭعا جۋىق كولىك ايىپ تۇراعىنا قويىلدى», دەپ تۇيىندەدى قايسار سۇلتانباەۆ.
