بۇگىن ۇلىتاۋ وبلىسىندا «قازاقمىس كورپوراتسياسى» جشس-ءنىڭ 100-گە جۋىق كەنشىسى ەڭبەك جاعدايىن جاقسارتۋ, قۇرال-جابدىقتاردى جاڭارتۋ, سىياقى تولەۋ جانە مەديتسينالىق ساقتاندىرۋ شارتتارىن قايتا قاراۋدى تالاپ ەتىپ, ەرەۋىلگە شىققانى تۋرالى اقپارات تارادى. كەنشىلەر تاراپى 15 تالاپ قويعانى بەلگىلى بولدى.
كورپوراتسيا وكىلدەرى اقپاراتتى راستاپ, وقيعانىڭ انىق-قانىعى جايلى رەسمي دەرەك ۇسىندى.
ايتا كەتسەك, شاحتاداعى جۇمىس ۋاقىتشا توقتاتىلعان.
«2023 جىلدىڭ 14 تامىزىندا تۇنگى اۋىسىمعا تۇسكەن ساتباەۆ وندىرىستىك الاڭىنىڭ №65 شاحتاسىنىڭ كەنشىلەرى مەن مەردىگەرلىك ۇيىمدارىنىڭ قىزمەتكەرلەرى جۇمىستىڭ توقتاتىلعانىن حابارلادى. وقيعا ورنىنا «قازاقمىس» باسشىلىعى, پروكۋراتۋرا, جەرگىلىكتى اتقارۋشى بيلىك وكىلدەرى اتتاندى. قازىرگى ۋاقىتتا كورپوراتسيا باسشىلىعى تۋىنداعان ماسەلەلەردى شەشۋ ءۇشىن شاحتەرلەردىڭ باستاماشىل توبىمەن كەلىسسوزدەر جۇرگىزىپ جاتىر. ايماقتىق جەدەل شتاب قۇرىلدى», دەلىنگەن حابارلامادا.
