فوتو: drs_kz ينستاگرام
قر مسم سپورت جانە دەنە شىنىقتىرۋ ىستەرى كوميتەتى سپورتتى دامىتۋ ديرەكتسياسى ءمالىم ەتكەندەي, جارىستار بەلورۋستىڭ ەكى قالاسىندا, اتاپ ايتقاندا, سامبودان جلوبين قالاسىندا, كاراتەدەن موگيلەۆ قالاسىندا وتكىزىلگەن.
سامبودان ەل قۇراماسى 2 التىن جانە 3 قولا مەدالدى قاڭجىعاعا بايلادى. 58 كەلىدە جاسۇلان ناريمانوۆ جانە 71 كەلىدە ارنۇر قۋاتاي ءوز سالماقتارى بويىنشا بەلدەسكەندەرىنىڭ بارىنەن باسىم بولىپ, التىن مەدالدار الدى. ال 50 كەلىدەگى ايجان جىلقىباەۆا, 72 كەلىدەگى شىنار اباتوۆا, 88 كەلىدەگى ەلامان قويشىباەۆ ءوز سالماقتارىندا قولا جۇلدەلەرگە قول جەتكىزدى.
كاراتەدەن ەل قۇراماسى 1 التىن, 1 كۇمىس مەدال الدى. WKF كاراتەنىڭ كاتا باعدارلاماسىندا ليا قوشقارباەۆا التىننان القا تاعىپ, كاراتەنىڭ كۋميتە باعدارلاماسىندا ءابىلمانسۇر باتىرعالي كۇمىس مەدال ەنشىلەدى.
