مال شارۋاشىلىعىن باسقارۋدىڭ وڭتايلى جولى

قازاقستان فەرمەرلەرى ەندىگى جەردە HerdWhistle™ RFID نەگىزىندەگى جابدىعىن Cowmas™ مال شارۋا­شى­لىعىن باسقارۋ پلاتفورماسىمەن, جەرگىلىكتى توپ تاجىريبەسىمەن جانە قىزمەتتەرىمەن ۇيلەستىرە وتىرىپ, وپەراتسيالىق ۇدەرىستەردى وڭتاي­لان­دىرىپ, مال باسىن باقىلاۋدىڭ جاقسارۋىنا قول جەتكىزە الادى. «Cowmas Qazaqstan» جشس كا­نا­دا­لىق كومپانيانىڭ قازاقستان­داعى سەرىكتەسى جانە باس ديستريبيۋتورى بولادى. سونىمەن قاتار HerdWhistle Technologies Inc. Cowmas™ مال شارۋاشىلىعىن باسقارۋ پلاتفورماسىمەن بىرىكتىرىلگەن قازاقستاندىق مال شارۋاشىلىعى فەرمەرلەرى جان-جاقتى جانە لوكاليزاتسيالانعان تاجىريبە الا الادى.

HerdWhistle Technologies Inc. – كانادا ەلىنىڭ كالگاري قالاسىنداعى كيبەرفيزيكالىق جۇيەلەردى ازىرلەۋشى «A4 Systems» كومپانياسىنىڭ ەنشىلەس كاسىپورنى, بورداقىلاۋ الاڭدارى مەن شاعىن مال فەرمالارى ءۇشىن مال باسىن ءدال باقىلاۋدا ۇلكەن تاجىريبەسى بار ۇجىم. 2010 جىلى نەگىزى قالانعان «A4 Systems» – ساپالى دەرەكتەردى پايدالانۋشى فەرمەردىڭ نەگىزگى باسە­كە­لەستىك ارتىقشىلىعى بولا الاتىن كيبەرفيزيكالىق ءونىمدى ازىرلەۋ توبى. ءوزىنىڭ وزىق تەحنولوگياسى جانە تا­جىريب­ەسى ارقىلى HerdWhistle Tech­nologies Inc. HerdWhistle™ جۇيەسى اتالعان ونىمدەرىن كانادا مەن اقش-تا قولدانىسقا ءساتتى ەنگىزدى.

Cowmas Qazaqstan جشس – 2020 جىلى الماتىدا نەگىزى قالانعان agritech ستارتاپ كومپانياسى, ەلدەگى شاعىن جانە ورتا مال فەرمالارىنا ناقتى مال شارۋاشىلىعى قىزمەتتەرىن كورسەتۋگە ماماندانعان. IoT (Internet of Things) تەحنولوگيالارىن جانە ءوزىنىڭ Cowmas™ مال فەرماسىن باسقارۋ پلاتفورماسىن قولدانا وتىرىپ, جان-جاقتى اۋديت جۇرگىزۋدى, كومەك كورسەتۋدى, ۆەتەرينارلىق جانە زووتەحنيكالىق قولداۋدى ۇسىنادى. كومپانيا دامۋىنىڭ باستاپقى كە­زەڭىن­دە نيدەرلاندى كورولدىگى StartHub Wageningen ينكۋباتورى مەن StartLife اگرو-ازىق-ت ۇلىك اكسەلەرا­تو­رىنان, كەيىنىرەك Qazinnovations قازاق ۇلتتىق يننوۆاتسيالىق دامۋ اگەنت­تى­گى­نەن قولداۋ تاپتى.

Cowmas Qazaqstan جشس مەن HerdWhistle Technologies Inc. ارا­سىن­داعى سەرىكتەستىكتىڭ ەلىمىزدەگى مال وسىرۋشىلەر ءۇشىن پايداسى زور بول­ماق. ول مال شارۋاشىلىعىمەن اينالىساتىن فەرمەرلەردىڭ الدىندا تۇرعان ءتۇرلى ماسەلەنى شەشۋگە, ونىڭ ىشىندە اۋىل شارۋاشىلىعى جانۋارلارىن سترەسسىز اۆتوماتتاندىرىلعان باقىلاۋدى ىسكە اسىرۋ, فەرمالاردان دەرەكتەردى جەدەل الۋ, جۇمىس كۇشى­نىڭ تاپشىلىعىن ازايتۋ جانە فەر­مەرلەردىڭ عىلىمي ءبىلىم مەن تاجىري­بە­گە قول جەتكىزۋىنە باعىتتالعان.

Cowmas™ مەن HerdWhistle™ بىرىكتىرىلگەن شەشىمدەرى مەن جاب­دى­عىن قولدانا وتىرىپ, فەرمەرلەر بەلگىلەنگەن پۋنكتتەرگە مالدىڭ كەلۋىن قاشىقتان باقىلاۋدى جۇرگىزۋ, تابىنداعى مالدى ىزدەستىرۋ جانە سايكەستەندىرۋ ءۇشىن جۇمىس كۇشىنىڭ تۇراقتى جەتىسپەۋشىلىگى ماسەلەسىن شەشۋ, قورا-شارباقتاردا, نە تابيعي ورتادا – جايىلىمدا مال باسىن اۆتوماتتى تۇردە انىقتاپ, قورشاۋ, قاماۋسىز ساناۋ سياقتى جۇمىستاردى, جالپى تابىنداعى ءىرى قارانىڭ نەمەسە قوي مالىنىڭ ءاربىر جەكە باسىنىڭ قيمىل-قوزعالىسىن ادامنىڭ ارالا­سۋىنسىز باقىلاۋدى جۇرگىزە الادى.

ء«بىز HerdWhistle Technologies Inc ارقىلى A4Systems-پەن سەرىكتەس بولعانىمىزعا قۋانىشتىمىز. بۇل – كانادا مال شارۋاشىلىعىندا وزىق اۋىل­شارۋاشىلىق تەحنولوگيا­سى مەن اگروعىلىمدى قولداناتىن پيو­نەر. HerdWhistle™ جابدىعى بىزگە فەر­مالارداعى مال باسىن ەسەپكە الۋ ءۇشىن ماڭىزدى دەرەكتەردى جيناۋعا, جانۋارلاردى جىلدام, ىق­شام ساي­كەس­تەندىرۋگە جانە زووتەح­ني­كا­لىق ءىس-شارالاردى ءتيىمدى وتكىزۋگە مۇمكىندىك بەرەدى. بۇل شارالار ءوز كەزەگىندە شارۋاشىلىقتاردىڭ جانۋارلاردى قالىپتى دەڭگەيدە باقىلاۋى مەن بيزنەس-ۇدەرىستەردى جاقسارتۋىنا جول اشادى», دەدى «Cowmas Qazaq­stan» جشس باس ديرەكتورى اسحات جانىبەك.

ء«بىز «Cowmas Qazaqstan» جشس-مەن ىنتىماقتاسۋعا جانە قا­زاق­س­تاننىڭ مال نارىعىنىڭ دامۋ كە­لە­شە­گىن زەرتتەۋگە ىقىلاستىمىز. بى­رىك­­تىرىلگەن تاجىريبەمىز بەن كۇش-جى­گەرىمىز ارقىلى مال باسىن انىقتاۋ, ەسەپكە الۋ جانە مونيتورينگىلەۋدىڭ اعىمداعى مىندەتتەرىن شەشۋگە دايىنبىز. بۇل فەرمەرلەرگە تۇراقتى جانە ءتيىمدى مال شارۋاشىلىعى بيزنەسىن دامىتۋعا مۇمكىندىك بەرەدى», دەدى HerdWhistle Technologies Inc باس ديرەكتورى ادام موراند.

قازاقستاندا سىناقتان وتكىزۋ جانە شەشىمدەردى سىناۋ 2023 جىلدىڭ تامىزىنا جوسپارلانعان. 2023 جىلدىڭ كۇزىندە قازاقستاندىق ءىرى قارا جانە قوي وسىرۋشىلەرىنىڭ قاجەتتىلىكتەرىنە بەيىمدەلگەن بىرلەسكەن ونىمدەر مەن قىزمەتتەردى كوممەرتسيالىق ءوندىرۋ باس­تالادى دەپ كۇتىلەدى. قازىرگى ۋاقىتتا الدىن الا تاپسىرىستار قابىلدانىپ جاتىر. ەكى كومپانيا دا قازاقستاندىق فەرمەرلەردىڭ سۇراقتارىنا جاۋاپ بەرۋگە, مال شارۋاشىلىعى سالا­سىن­داعى جوبالارىن ازىرلەۋگە كومەك­تەسۋگە دايىن, مۇددەلى سالا ويىنشى­لارىمەن, سونىڭ ىشىندە شارۋا قوجا­لىق­تارىمەن, كووپەراتيۆتەرمەن جانە فەرمەرلەر قاۋىمداستىعىمەن ىنتى­ماقتاستىق قارىم-قاتىناستارعا اشىق. سونىمەن قاتار قازاقستاندىق نارىق­تى يننوۆاتسيالىق شەشىمدەرمەن جان-جاقتى قامتۋدى قامتاماسىز ەتەتىن ايماقتىق ديستريبيۋتورلىق باعدار­لا­مالار جوسپارلانىپ وتىر.