ايتا كەتسەك, جوعارى اتالعان باپتاردىڭ ارقايسىسى بويىنشا باس بوستاندىعىنان ايىرۋ جازاسى قاراستىرىلعان.
وسىلايشا ۇكىمدەردى ءىشىنارا قوسۋ ارقىلى نۇرلان ءماسىموۆ 10 جىلعا سوتتالدى. ول ءوز جازاسىن قاۋىپسىزدىگى ورتاشا كولونيادا وتەيدى.
وعان قوسا الماتى وبلىسى الاكول اۋدانى اقشي اۋىلىنداعى اعاش ءۇي مەن مونشا تۇرىندەگى مۇلكىن جانە سوتتالۋشى وتباسىمەن تۇرعان الماتى قالاسىنداعى ءۇيدى جوندەۋگە جۇمسالعان 16 ميلليون تەڭگەنى تاركىلەۋ جونىندە شەشىم قابىلداندى.
ول سونداي-اق قازاقستان رەسپۋبليكاسى قىلمىستىق كودەكسىنىڭ 49-بابىنا سايكەس پوليتسيا گەنەرال-مايورى ارناۋلى اتاعىنان جانە مەملەكەتتىك ناگرادا – II دارەجەلى «ايبىن» وردەنىنەن دە ايىرىلادى.
ايتا كەتەتىنى, نۇرلان ءماسىموۆ جوعارىدا كورسەتىلگەن باپتار بويىنشا قىلمىس جاساعانىن مويىنداۋدان باس تارتتى. ول شەكارادان زاڭسىز وتكەن كىناسىن عانا مويىنداپ, ايىپتاۋشى تاراپ ءىستى ونىڭ «تەگىنە بايلانىستى» قوزعاعانىن العا تارتتى.
