جارىستى «جۇرەك ورتالىعى» قورى ۇيىمداستىردى, ول دارىگەرلەرگە عىلىم, ءبىلىم جانە اعارتۋشىلىقتى بىرىكتىرە وتىرىپ, جۇرەك اۋرۋىمەن كۇرەسۋگە كومەكتەسەدى. اعارتۋشىلىق قىزمەت اياسىنداعى ءىرى ءىس-شارالاردىڭ ءبىرى – «سەن – مەنىڭ جۇرەگىمنىڭ چەمپيونىسىڭ». ءىس-شارانى وتكىزۋگە استانا اكىمدىگى قولداۋ كورسەتتى.
ناتيجەگە قاراماستان ءاربىر قاتىسۋشى – جۇرەك چەمپيونى, ول كارديو قىزمەتىن دامىتۋعا زور ۇلەس قوسادى جانە قازاقستانداعى ترانسپلانتولوگيا تۋرالى ماڭىزدى ديالوگقا جول اشۋعا كومەكتەسەدى.
ء«بىز وتكەن جىلى 500 قاتىسۋشىدان باستاپ, بيىل 1300-گە جەتكەنىمىزگە قۋانىشتىمىز. ۇيىمداستىرۋشىلىق جۇمىستاردىڭ نەگىزگى بولىگىن «جۇرەك ورتالىعى» قورىنىڭ 5 ادامنان تۇراتىن شاعىن توبى ورىندايتىنى ۇلكەن ماقتانىش. سونداي-اق قاشىقتىققا جۇگىرەتىن ادامداردى ماقتان تۇتامىز, ويتكەنى ولاردىڭ بارلىعى ناعىز قاھارماندار.
ماسەلەن ولاردىڭ قاتارىندا دياليزدەن وتكەن جانە بۇيرەك ترانسپلانتاتسياسىن كۇتۋ پاراعىندا جۇرگەن جىگىتتەر بار. بۇل ناعىز باتىلدىق پەن ومىرگە دەگەن سۇيىسپەنشىلىكتىڭ ۇلگىسى.
ءبىز ءۇشىن جۇگىرۋ – بۇل ءومىردىڭ بەرگەن سىيى. ويتكەنى جۇگىرەمىز, دەنەمىز بەن رۋحىمىزدى نىعايتامىز ءارى ەڭ قيىن دياگنوزى بار ادامدارعا قانداي جاعداي بولماسىن تولىق ءومىر سۇرۋگە مۇمكىندىك بەرەتىن مەديتسينانى قۇرمەتتەيمىز. بۇل جارىس قازاقستاندا دونورلىقتى دامىتۋ تۋرالى وتە ماڭىزدى جانە كۇردەلى, بىراق ەتيكالىق جانە ىڭعايلى ديالوگ الاڭىنا اينالدى. بۇل ديالوگ وسى الاڭدا ءساتتى دامىپ كەلە جاتقانىنا سەنىمدىمىز», دەدى قوردىڭ كوممۋنيكاتسيالار جونىندەگى مەنەدجەرى ەكاتەرينا موستوۆايا.
ەسەن – 10 شاقىرىم قاشىقتىقتاعى جارىسقا قاتىسۋشى – كۇتۋ تىزىمىندەگى پاتسيەنتتەردىڭ ءبىرى. ول قر قورعانىس مينيسترلىگىنىڭ ەليتالىق ارنايى جاساق بولىمشەسىندە اسكەري قىزمەتشى بولعان جانە قويان-قولتىق ۇرىستان سپورت شەبەرى. بىراق كارەراسىن توقتاتۋىنا تۋرا كەلدى: «گلومەرۋلونەفريت» دياگنوزىنا بايلانىستى ول ترانسپلانتاتسيا جاساۋى كەرەك. قازىر گەمودياليز الىپ, ەمدەلىپ ءجۇر.
«دياگنوز ۇكىم ەمەس. ءبىز ءوزىمىزدى فورمادا ۇستاۋىمىز كەرەك, ءبىز سياقتى ادامداردىڭ قالاي ءومىر سۇرەتىنىن كورسەتۋىمىز كەرەك. مەن كۇتۋ تىزىمىندەگى قالعان پاتسيەنتتەردى سپورتپەن شۇعىلدانۋعا, جۇگىرۋگە, ءومىردى سۇيۋگە جانە اۋرۋعا بەرىلمەۋگە شاقىرعىم كەلەدى», دەيدى ەسەن.
جارىستان جينالعان بارلىق قاراجات دونورلىق سالاداعى ماماندارعا ارنالعان ءبىلىم بەرۋ جوبالارىن, سول سياقتى قور مەن ترانسپلانتتاۋدى ۇيلەستىرۋ جونىندەگى رەسپۋبليكالىق ورتالىق اراسىنداعى مەموراندۋم اياسىنداعى جوبالاردى ىسكە اسىرۋعا باعىتتالاتىن بولادى.
