«كاسپي» سۋ تۇششىتۋ زاۋىتىن كەڭەيتۋ ماسەلەسى مەملەكەت باسشىسىنىڭ ەرەكشە باقىلاۋىندا. جوبا 2021 جىلعى 22 قىركۇيەكتە قر پرەزيدەنتىنىڭ قاتىسۋىمەن وتكەن «ماڭعىستاۋ وبلىسىنىڭ الەۋمەتتىك-ەكونوميكالىق دامۋى تۋرالى» كەڭەستىڭ حاتتاماسىن ورىنداۋ اياسىندا ىسكە اسىرىلىپ جاتىر.
ەسەپكە سايكەس جوبانى اياقتاۋ زاۋىتقا اۋىز سۋ ءوندىرۋ كولەمىن تاۋلىگىنە 40 مىڭ م3 دەيىن ۇلعايتۋعا مۇمكىندىك بەرەدى. كاسىپورىننىڭ بۇرىنعى ونىمدىلىگى بۇدان ەكى ەسە از بولعان.
وسى جىلدىڭ 5 شىلدەسىندە ماڭعىستاۋ وبلىسىنا جۇمىس ساپارى بارىسىندا پرەمەر-مينيستر ءا.سمايىلوۆ جوبانىڭ ىسكە اسىرىلۋ بارىسىمەن تانىستى. ۇكىمەت باسشىسى ماڭعىستاۋ وبلىسىنىڭ مۇنايلى, تۇپقاراعان جانە قاراقيا اۋداندارىنىڭ 180 مىڭ تۇرعىنى ءۇشىن زاۋىتتى ىسكە قوسۋدىڭ ماڭىزى زور ەكەنىن اتاپ ءوتتى.
وبلىس اكىمدىگىنىڭ اقپاراتى بويىنشا بۇگىندە قۇرىلىس-مونتاجداۋ جۇمىستارى 80%-عا ورىندالدى.
