قر ەڭبەك جانە حالىقتى الەۋمەتتىك قورعاۋ مينيسترلىگى 3 تامىزدا «ندفز» جشس جۇمىسشىلارى دەنەنىڭ ءار جەرىنەن حيميالىق كۇيىك العانىن راستادى.
«زارداپ شەككەن جۇمىسشىلار تاراز قالالىق اۋرۋحاناسىنا جەتكىزىلدى. وسى فاكتى بويىنشا جامبىل وبلىسى اكىمدىگىنىڭ ەڭبەك ينسپەكتسياسى جونىندەگى باسقارماسى جازاتايىم وقيعانىڭ ءمان-جايىن انىقتاۋ ءۇشىن ارنايى كوميسسيا قۇردى. اپاتتىڭ ءمان-جايى مەن سەبەپتەرى تەكسەرۋ بارىسىندا انىقتالادى», دەلىنگەن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى تاراتقان حابارلامادا.
وسى تۇستا وبلىستىق ەڭبەك ينسپەكتسياسى وقىس وقيعانىڭ ءمان-جايى جايلى اقپارات تاراتتى.
«ساعات 14:45 شاماسىندا «نجفز» جشس قويماسىنىڭ اۋماعىندا كونتەينەرلىك تسيستەرنادان سارى فوسفور الۋ كەزىندە ەكى جۇمىسشى فوسفوردىڭ شاشىراۋىنان زارداپ شەكتى: 1991 جىلى تۋعان ورمانوۆ د.ج. جانە 1997 جىلى تۋعان قالدىباي ش.ە. زارداپ شەككەندەر تاراز قالالىق كوپسالالى اۋرۋحاناسىنا جەتكىزىلىپ, ولارعا العاشقى مەديتسينا كومەگى كورسەتىلدى. وسى وقىس وقيعانى انىقتاۋ ءۇشىن ارنايى كوميسسيا قۇرىلدى», دەلىنگەن اقپاراتتا.
