ەلوردانىڭ ءماسليحات توراعاسى ەرلان كاناليموۆ وتكەن جىلى اتالعان اكتسيا اياسىندا كاسىپورىن باسشىلارى, كاسىپكەرلەر, دەپۋتاتتار, قوعام بەلسەندىلەرى قاتىسقانىن ايتتى.
«وتكەن جىلى وسى اكتسيا بويىنشا 8000-نان استام بالا قامتىلدى, بيىل بۇل كورسەتكىشتى 8500 وقۋشىعا جەتكىزۋدى جوسپارلاپ وتىرمىز. وتكەن جىلى جينالعان سوما 546 ملن تەڭگەنى قۇرادى, بيىل بۇل سوما بىرنەشە ەسە كوپ بولادى دەپ كۇتىلىپ وتىر. بۇدان باسقا, جالپىعا بىردەي وقىتۋ اياسىندا الەۋمەتتىك از قامتىلعان وتباسىلاردان شىققان بالالارعا مەكتەپكە قاجەتتى زاتتار الۋ ءۇشىن قوسىمشا تولەمدەر بەرىلەدى.
وتكەن جىلى بۇل سوما 40 000 تەڭگەنى قۇراپ, 13 500 بالاعا تاپسىرىلدى. ال بيىل بۇل سوما 41 000 تەڭگەنى جانە 14 500 بالانى قۇرايدى.
بالالاردى مەكتەپكە دايىنداۋ ءۇشىن مەملەكەت بارلىعى 590 ملن تەڭگە ءبولدى.
ەلوردا كاسىپكەرلەرىن, ءىرى كاسىپورىنداردىڭ باسشىلارىن جانە دەپۋتاتتاردى وسى ءىس-شاراعا بەي-جاي قاراماۋعا جانە قاتىسۋعا شاقىرامىن», دەدى قالالىق ءماسليحات توراعاسى.
اكتسياعا بايقوڭىر اۋدانى اكىمىنىڭ ورىنباسارى شۇعىلا قۇدايبەرگەن دە قاتىستى.
ء«بىزدىڭ اۋداندا جاشىكتەر ءۇش ورىنعا قويىلدى. ولار «ايماقتاۋ», «جاننۇر», «تۇلپار» ساۋدا ورتالىقتارىنىڭ جانىندا ورنالاسقان. بۇل قوراپتارعا قالا تۇرعىندارى قالام, داپتەر سەكىلدى كەز كەلگەن وقۋ قۇرالىن سالىپ كەتە الادى. وتكەن جىلى بەلسەندى ازاماتتار مەكتەپ كيىمدەرىن جانە وقۋعا قاجەتتى نارسەنىڭ ءبارىن اكەلدى. بۇگىن قالالىق ءماسليحات توراعاسى ەرلان كاناليموۆ پەن اۋدان اكىمى ەرلان جاۋلىباەۆ باستاعان قالالىق ءماسليحات دەپۋتاتتارى اكتسيانى باستادى. ءار كەش سايىن بوكستاردى اشىپ, ىشىندە جينالعان زاتتاردى الەۋمەتتىك قىزمەتكەرلەر مەن مەكتەپتەر ارقىلى اۋدانىمىزداعى 1000-نان استام الەۋمەتتىك وسال وتباسىلاردىڭ بالاعا بەرەمىز», دەدى اكىمنىڭ ورىنباسارى.
