قازاقستان رەسپۋبليكاسى يندۋستريا جانە يننوۆاتسيالىق دامۋ مينيسترلىگى اۆتوموبيل جولدارى كوميتەتى مەن «قازاۆتوجول» اق-نىڭ وكىلدەرى دەپۋتاتتاردى اتقارىلعان جۇمىستاردىڭ بارىسىمەن تانىستىردى. سونداي-اق بۇل جەردەگى اۆتوموبيل جولى ۋچاسكەسىنىڭ جالپى ۇزىندىعى 185 شاقىرىم بولاتىنى جانە جۇمىس كەستەسىنە سايكەس اعىمداعى جىلى اياقتالۋى ءتيىس ەكەنى تۋرالى ايتىلدى.
دەپۋتاتتار ءوز كەزەگىندە جولدىڭ وسى بولىگىندە جۇمىس كۇشى مەن تەحنيكانىڭ جەتكىلىكسىزدىگىن جانە جوندەۋ جۇمىستارىنىڭ كورسەتىلگەن مەرزىمدە اياقتالماي قالۋ قاۋپى زور ەكەنىن اتاپ ءوتتى.
پارلامەنتشىلەر جەتىسۋ وبلىسىنىڭ لوگيستيكاسىنداعى وسى جول ۋچاسكەسىنىڭ الەۋمەتتىك ماڭىزدىلىعىنا, سونداي-اق جول جوندەۋ جۇمىستارىنىڭ ساپاسىن ارتتىرۋ مەن ۋاقتىلى ورىندالۋى قاجەتتىگىنە تاپسىرىس بەرۋشى مەن مەردىگەردىڭ نازارىن اۋداردى.
