جاڭا ءبىلىم بەرۋ باعدارلاماسىن باكالاۆريات دەڭگەيىندە 2019 جىلى ەكى جوعارى وقۋ ورنى – Əبىلقاس ساعىنوۆ اتىنداعى قاراعاندى تەحنيكالىق ۋنيۆەرسيتەتى جəنە قاراعاندى مەديتسينا ۋنيۆەرسيتەتى قولدانىسقا ەنگىزگەن بولاتىن. وسى ماماندىققا وقۋعا تۇسكەن
80 ستۋدەنت دەنساۋلىق ساقتاۋدا قولدانىلاتىن اقپاراتتىق تەحنولوگيالاردى, باعدارلامالاۋ قۇرالدارىن, مəلىمەتتەر بازاسىن, بيومەديتسينالىق اقپاراتتى وڭدەۋ جəنە تالداۋ əدىستەرىن ۇيرەنەدى.
«IT-مەديتسينا» ءبىلىم بەرۋ باعدارلاماسى بويىنشا ديپلوم العان تۇلەكتەردىڭ قاتارىندا تامىرلان الدوڭعاروۆ تا بار. جاس مامان وقۋىن وزىق ءتامامداپ وتىر. قولىندا قىزىل ديپلوم. ءارى قاراي ماگيستراتۋراعا تۇسۋگە نيەتتى.
– Əۋەل باستا مەن ۋنيۆەرسيتەتكە تۇسۋگە دايىندالىپ جاتقاندا باعدارلاماشى بولعىم كەلگەن. ۇلتتىق بىرىڭعاي تەست تاپسىردىم جəنە تەحنيكالىق ۋنيۆەرسيتەتتە مەنىڭ سالاما سəيكەس كەلەتىن بىرنەشە باعدارلاما بار ەكەنىن ءبىلدىم. مەنى ءىت-مەديتسينا قىزىقتىردى. بۇل – بەيىندى جəنە قيىن ماماندىق. اعام وبلىستىق ونكولوگيالىق ورتالىقتا حيرۋرگ-ونكولوگ بولىپ جۇمىس ىستەيدى. ءوزىم جاي باعدارلاماشى ەمەس, ءومىرىمدى مەديتسينامەن بايلانىستىرعىم كەلەتىنىن ءتۇسىنىپ, قادام جاسادىم. ونىڭ ۇستىنە ەلىمىزدە وسىنداي مامانداردىڭ جەتىسپەۋشىلىگى دە سەزىلەدى. وقۋدى ءəرى قاراي جالعاستىرعىم كەلەدى, داميمىن, مىندەتتى تۇردە ماگيستراتۋراعا تۇسەمىن, – دەيدى پرەزيدەنتتىك ستيپەنديات تامىرلان الدوڭعاروۆ.
Əبىلقاس ساعىنوۆ اتىنداعى قاراعاندى تەحنيكالىق ۋنيۆەرسيتەتىنىڭ اقپاراتتىق-ەسەپتەۋ جۇيەلەرى كافەدراسىنىڭ مەڭگەرۋشىسى الەكسەي كالينين ءىت-دəرىگەر جارقىن بولاشاقتىڭ كəسىبى ەكەنىن, مەديتسينا سالاسىندا زاماناۋي اقپاراتتىق تەحنولوگيالاردىڭ كوبەيىپ جاتقانىن اتاپ ءوتتى.
– وتاندىق مەديتسينادا كوپتەگەن زاماناۋي اقپاراتتىق تەحنولوگيالار كۇن سايىن ەنگىزىلۋ ۇستىندە دەسەك, قاتەلەسپەيمىز. بۇگىنگى دəرىگەر زەرتتەۋ جۇرگىزگەننەن كەيىن دەرەكتەردى وڭدەۋ كەرەك. بىزدە مەديتسينالىق وقىتۋمەن تەحنيكالىق وقىتۋدى تولىقتىرۋ ءجۇرىپ جاتىر. وقۋ ءتورت جىلعا سوزىلادى. وسى ارقىلى ماماندارىمىز بىردەن ەكى سالادا قۇزىرەتتى بولادى, – دەيدى الەكسەي كالينين.
جاڭا باعدارلاما بويىنشا وقيتىن ستۋدەنتتەر ەمحانالار مەن ءدəرىحانالاردا تəجىريبەدەن وتەدى. قازىرگى ۋاقىتتا مەديتسينالىق دەرەكتەردى وڭدەۋمەن اينالىساتىن ءىت-ماماندارىنا ۇلكەن قاجەتتىلىك بار. قازىردىڭ وزىندە ءىت-دəرىگەرلەر رەسپۋبليكالىق مەديتسينالىق زەرتتەۋ ورتالىقتارىندا ۇلكەن سۇرانىسقا يە. وقۋدى جالعاستىرۋعا دا بولادى. مىسالى, قاراعاندى مەديتسينا ۋنيۆەرسيتەتىنىڭ «بيومەديتسينا» ءبىلىم بەرۋ باعدارلاماسىنا ماگيستراتۋراعا قۇجات تاپسىرۋ مۇمكىندىگى دە قاراستىرىلعان.
– بيومەديتسينا – بۇل بارلىق جاراتىلىستانۋ-عىلىمي ماماندىقتاردىڭ وكىلدەرىن شاقىراتىن كەڭ باعىت دەپ ايتا الامىن. بۇعان بيوينفورماتيكا دا كىرەدى. گەنوم قۇرىلىمىن ماتەماتيكالىق əدىستەرمەن زەرتتەۋ جəنە مولەكۋلالىق-گەنەتيكالىق مەحانيزمدەردى, پاتولوگيالىق ۇدەرىستەردىڭ تەتىكتەرىن زەرتتەۋ نىسانى ەتۋگە بولادى. ءىت-دəرىگەرلەر – كەلەشەكتىڭ əمبەباپ ماماندارى, – دەيدى قاراعاندى مەديتسينا ۋنيۆەرسيتەتىنىڭ ستراتەگيالىق دامۋ جəنە حالىقارالىق ىنتىماقتاستىق جونىندەگى پرورەكتورى ۆيكتور ريكلەفس.
ء«ىت-مەديتسينا» باعدارلاماسى بويىنشا وقىعاندار ءوزى قابىلدانعان ۋنيۆەرسيتەتتىڭ ديپلومىن الادى. بۇل – اقپاراتتىق-كوممۋنيكاتسيالىق تەحنولوگيالار باكالاۆرى نەمەسە دەنساۋلىق ساقتاۋ باكالاۆرى. Əر ديپلومعا ەكى ۋنيۆەرسيتەتتىڭ پəندەرى مەن باعالارى بار ەكى ترانسكريپت بار.
بيىل جاڭا ءبىلىم بەرۋ باعدارلاماسىنا تالاپكەرلەردى قابىلداۋ جالعاساتىنىن دا قاپەرگە سالا كەتەيىك.
قاسىمحان عالىم,
«Egemen Qazaqstan»
