30 شىلدە كۇنى بقو پد ۇيىمداسقان قىلمىسقا قارسى كۇرەس باسقارماسى كولىكتەگى پد ۇققكب قىزمەتكەرلەرىمەن بىرلەسىپ, ءىىم-ءنىڭ ۇيىمداسقان قىلمىسقا قارسى كۇرەس دەپارتامەنتىنىڭ ۇيلەستىرۋىمەن ادام ورگاندارىن ساتۋ ارەكەتى توقتاتىلدى.
«انىقتاۋ بارىسىندا ورال قالاسىنىڭ 33 جاستاعى ا. ەسىمدى تۇرعىنى, وتباسىلى ازامات ۆاحتالىق ادىسپەن جۇمىس ىستەيتىنى بەلگىلى بولدى. اقشالاي قاراجاتتىڭ جەتىسپەۋشىلىگىنە بايلانىستى ول ءوزىنىڭ بۇيرەگىن ساتپاق بولعان. مامىر ايىندا اتالعان ازامات حالىقارالىق ينتەرنەت-سايتتا جاريالانعان اقشالاي سىياقى ءۇشىن ترانسپلانتاتسياعا ارنالعان بۇيرەكتى ساتۋ تۋرالى حابارلاندىرۋدى كورگەن», دەيدى قر ءىىم وكىلدەرى.
ودان كەيىن وعان Telegram ارنا ارقىلى سايتتىڭ قىزمەتكەرلەرى بايلانىسقا شىعىپ, ورتاق مامىلەگە كەلۋ ارقىلى قۇنى 20 مىڭ اقش دوللارىن قۇرايتىن وتانى كەنيا رەسپۋبليكاسىندا جاساۋعا كەلىسكەن.
«2 اي بويى ا. ەسىمدى ازامات مەديتسينالىق ورتالىقتاردا تاپسىرعان تالداۋ ناتيجەلەرىن Telegram كانالى ارقىلى جىبەرىپ وتىرعان. سايت قىزمەتكەرلەرى وعان جول ءجۇرۋ, ەلەكتروندى ۆيزا ءۇشىن 250 اقش دوللارى كولەمىندە اقشا جىبەرگەن. 30 شىلدە كۇنى پوليتسيا قىزمەتكەرلەرى اتالعان ازاماتتى الماتى قالاسىنداعى اۋەجايدىڭ ۇشۋ ايماعىنان ۇستادى», دەيدى پوليتسيا قىزمەتكەرلەرى.
ودان ءارى تەرگەۋ ارەكەتتەرىن جۇرگىزۋ ءۇشىن ازامات ورال قالاسىنا جەتكىزىلىپ, ەشقايدا كەتپەۋ تۋرالى قولحات الدى.
اتالعان فاكتى بويىنشا قر قك-ءنىڭ 116-بابى 1-بولىگىنە سايكەس, سوتقا دەيىنگى تەرگەۋ امالدارى جۇرگىزىلىپ جاتىر.
ايتا كەتۋ كەرەك, قازاقستاندا ورگانداردى ساتۋعا تىيىم سالىنادى جانە ترانسپلانتاتسيالاۋ جاساۋدىڭ جالعىز جولى — ونىڭ تۋىسىنىڭ وتەۋسىز قايىرىمدىلىعى نەمەسە قايتىس بولعان ادامنىڭ تۋىستارىنىڭ كەلىسىمىمەن ورگاندى ترانسپلانتاتسيالاۋ.
