Polisia.kz جازۋىنشا, ءبىر اپتادا باسقا ەلدەردىڭ 50 ازاماتى جانە كورشىلەس ەلدەردىڭ 165 ازاماتى اكىمشىلىك جاۋاپكەرشىلىككە تارتىلدى.
«104 شەتەل ازاماتى قۇجاتتارىنىڭ بولماۋىنا بايلانىستى قابىلداپ-تاراتۋعا ورنالاستىرىلدى. تاعى 22 شەتەل ازاماتى قازاقستاننان شىعارىلدى. سونىمەن قاتار 54 جەكە جانە زاڭدى تۇلعا, ونىڭ ىشىندە برازيليانىڭ 2 ازاماتىن زاڭسىز جۇمىسقا تارتقان فيرمالاردىڭ ءبىرىنىڭ باسشىلىعى اكىمشىلىك جاۋاپكەرشىلىككە تارتىلدى», دەدى الماتى قالاسى پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
ايتا كەتسەك, قازاقستان رەسپۋبليكاسىنىڭ كوشى-قون زاڭناماسىن ساقتاۋ بويىنشا رەيدتەر قۇقىق بۇزۋشىلىقتىڭ الدىن الۋعا جانە زاڭسىز كوشى-قون ارنالارىن انىقتاۋعا باعىتتالعان. رەيدتىك ءىس-شارالاردىڭ ماقساتى – قوعامدىق ءتارتىپتى ساقتاۋ, قازاقستان رەسپۋبليكاسىندا بولۋ ەرەجەلەرىن بۇزۋ دەرەكتەرىن جانە شەتەلدىكتەردى زاڭسىز جۇمىسقا ورنالاستىرۋ دەرەكتەرىن انىقتاۋ, سونداي-اق شەتەل ازاماتتارى تاراپىنان قىلمىستار مەن قۇقىق بۇزۋشىلىقتاردىڭ الدىن الۋ.
