فوتو: قىزىلوردا وبلىسى اكىمدىگى
ول ءحوببيى كاسىپكە اينالادى دەپ ويلاماعان. 2017 جىلى تانىسى بەرگەن ماتادان بالالارعا ارنالعان قامزولدار تىگىپ, ونى ارلەپ كورەدى. تىگىنشىنىڭ دۇنيەلەرى تەز ءوتىپ كەتەدى. سول ۋاقىتتان باستاپ تۇراقتى تاپسىرىس بولسا دا, ءحوببيىن كاسىپكە اينالدىرۋعا اسىقپاي, كاسىبىن ەكى جىلدان كەيىن عانا رەسمي تىركەيدى. وعان دەيىن بيزنەستىڭ قىر-سىرىن مەڭگەرەدى. قىزىلوردا وبلىسىنىڭ كاسىپكەرلەر پالاتاسى ارقىلى ىسكەر ايەلدەر كەڭەسىمەن تانىسىپ, اتالعان كەڭەس ارقىلى ءتۇرلى تەگىن كۋرستارعا قاتىسىپ, داميدى.
«قازاقستاننىڭ ۇزدىك تاۋارى - 2022» وڭىرلىك كورمە-بايقاۋىندا جەڭىمپاز اتانعان جاس كاسىپكەر رەسپۋبليكالىق كەزەڭگە قاتىسادى. «رەسپۋبليكالىق بايقاۋدا جۇلدە الماسام دا, وزگە كاسىپكەرلەرمەن, تاۋاروندىرۋشىلەرمەن تانىستىم. سول جىلى «دامۋ» ارقىلى جەڭىلدەتىلگەن نەسيە الىپ, ءسان ۇيىنە عيمارات ساتىپ الدىم», دەيدى ول.
كاسىپكەردىڭ بۇلدىرشىندەردەن باستاپ كەز-كەلگەن جاستاعى ادامدارعا ارناپ تىككەن ۇلتتىق ناقىشتاعى بومبەرلەرى بۇگىندە سۇرانىسقا يە ونىمدەردىڭ بىرىنە اينالدى.
«سوڭعى كەزدە ورتا جاستاعى قىز-كەلىنشەكتەر مەن ەر ازاماتتار دا ۇلتتىق ناقىش ەلەمەنتتەرى قوسىلعان كۇز-كوكتەمدىك سىرت كيىمدەرگە ءجيى تاپسىرىس بەرە باستادى. جالپى ۇلتتىق ناقىشتى كۇندەلىكتى قولدانىستاعى كيىمدەرگە قولدانۋ ترەندكە اينالىپ كەلە جاتىر. بۇل تاماشا تەندەنتسيا», دەيدى كاسىپكەر.
ايمان ابديەۆانىڭ ەندىگى ماقساتى - ۇلتتىق كيىمدەر تىگەتىن فابريكا اشىپ, كاسىبىنىڭ اۋقىمىن كەڭەيتۋ.
