قوعامدىق بىرلەستىك زەينەتكەرلەردىڭ, ارداگەرلەردىڭ قۇقىقتارى مەن مۇددەلەرىن قورعاۋمەن, اعا بۋىننىڭ بوس ۋاقىتىن ءتيىمدى ۇيىمداستىرۋمەن اينالىساتىن بولادى. ارداگەرلەر كەڭەسىنىڭ قىزمەتى بۇكىل اۋداندى, ونىڭ ىشىندە ۇركەر ەلدى مەكەنىن دە قامتىماق.
«بۇگىننەن باستاپ اۋداننىڭ زەينەتكەرلەرى مەن ارداگەرلەرىن بىرىكتىرۋ ءۇشىن جۇمىس ىستەيتىن بولامىز. بىزگە الەۋمەتتىك, مادەني جانە قوعامدىق ماسەلەلەر بويىنشا جۇگىنۋگە بولادى. مەتسەناتتارمەن بىرگە الەۋمەتتىك از قامتىلعان, جالعىز تۇراتىن زەينەتكەرلەرگە قامقورلىق كورسەتەمىز. سونداي-اق قالالىق مەكەمەلەر جانىنداعى ارداگەرلەر ورتالىقتارى مەن ۇيىمدارىن ودان ءارى دامىتاتىن بولامىز. ارداگەرلەر كەڭەسىنىڭ مۇشەلەرىنە سەنىم بىلدىرگەنى ءۇشىن العىس ايتامىن», دەپ اتاپ ءوتتى ايتماعامبەت ايپوۆ.
قازىرگى ۋاقىتتا ەلوردادا 128 مىڭنان استام زەينەتكەر بار. زەينەتكەرلىك جاسقا تولعان ءاربىر ادام تۇراتىن جەرى بويىنشا ءار اۋدانداعى ارداگەرلەر كەڭەسىنىڭ قاتىرىنا قوسىلا الادى. بۇدان بولەك, جالپى قالا بويىنشا قىزمەت ەتەتىن ارداگەرلەر كەڭەسى دە بار.
