ماماندار شاھار تۇرعىندارى تاراپىنان ارىز-شاعىم كوبەيگەنىن العا تارتتى. سەبەبى تۇرعىن ءۇي كەشەندەرىنىڭ ماڭىندا اياق الىپ جۇرەتىن جەر مەن اۆتوكولىكتەردىڭ تۇراعىنا ورىن قالماعان. سونىمەن قاتار ۋادەلى الەۋمەتتىك نىسانداردىڭ ۋچاسكەسىندە وزگە دە عيماراتتار سالىنىپ, قورشاۋعا الىنعان. تەكسەرىس ناتيجەسىندە زاڭسىز سالىنعان 31 نىساندى ءسۇرۋ تۋرالى شەشىم قابىلداندى.
«قازىر قۇرىلىس نىساندارىن بۇزۋ بويىنشا 31 ماتەريال سوتقا جولدانعان. ونىڭ 18-ىنە ماجبۇرلەپ بۇزۋ تۋرالى سوت شەشىمى شىققان. تورتەۋى سوت شەشىمىنە سايكەس بۇزىلدى. قازىرگى تاڭدا تاعى تورتەۋى اپپەلياتسيالىق سوتتا قارالىپ جاتر», دەدى قالالىق ورتا ساپاسى جانە باقىلاۋ باسقارماسىنىڭ باسشىسى نۇرداۋلەت قۇربانبەك ۇلى.
