مىسىرداعى ۇلى گيزا پيراميداسىنا ۇقسايتىن ەكى دە ەكى شارشى شاقىرىم بولاتىن ۇلكەن تاۋ الەۋمەتتىك جەلى قولدانۋشىلارىنىڭ تاڭدايىن قاقتىردى.
Twitter قولدانۋشىلارىنىڭ ءبىرى: «بۇل سۋ تاسقىنىنا دەيىنگى وركەنيەتكە تيەسىلى. شامامەن 10 000 جىل بۇرىن انتاركتيدا جىلى بولعان» دەگەن پىكىر ءبىلدىردى.
ايتا كەتەتىنى, عالىمدار انتاركتيدادا وسىمدىكتەر تىرشىلىگىنىڭ بەلگىلەرىن بۇرىننان تاپقان, بۇل لاندشافت ءبىر كەزدەرى ورتاشا تەمپەراتۋراسى شامامەن 12°C بولاتىن تروپيكالىق ورمانمەن جابىلعان. بۇل شامامەن 83 ميلليون جىل بۇرىن بولعان, سوندىقتان پيراميدا سالىنۋى دا ابدەن ىقتيمال. الايدا ونىڭ پيراميدا ەمەس ەكەنىن دالەلدەيتىن تاعى ءبىر دەرەك بار. بۇل اقپارات تارالا باستاعاندا پروفەسسور ەريك رينو LiveScience جۋرنالىنا تىڭ جاڭالىق جاريالادى. سۋرەتتەگى پيراميدا ەكەنى ايقىن كورىنگەنىمەن رينو: «بۇل پيراميداعا ۇقسايتىن تاۋ عانا», دەپ ءتۇسىندىردى.
بۇل پيراميدا شىن مانىندە «تاۋدىڭ پيراميدالى شىڭى» دەپ اتالاتىن مۇزدىق ايماقتاردىڭ ەرەكشەلىگى بولىپ سانالادى. ولار مۇزدىقتاردىڭ قۇرلىق ماسساسىنىڭ بۇيىرلەرىنە جاقىنداۋى ناتيجەسىندە پايدا بولادى.
«كوپتەگەن شىڭدار پيراميدالارعا ۇقسايدى, بىراق ولاردىڭ ءبىر نەمەسە ەكى قىرى بار, ءتورت قىرلىلارى وتە سيرەك كەزدەسەدى», دەدى رينو.
