كولەمى بويىنشا ەلىمىزدە ءۇشىنشى ورىن الاتىن 1966 جىلى سالىنعان شاردارا سۋ قويماسىنىڭ سوڭعى باتيمەتريالىق ءتۇسىرىلىمى (تەرەڭدىكتەگى بىردەي سىزىقتار تۋرالى دەرەكتەردى جيناۋ پروتسەسى) 1977 جىلى جۇرگىزىلگەن, سول كەزەڭدەردە سۋ قويماسىنىڭ كولەمى 5,2 ملرد م3 قۇراعان ەكەن.
ۋاقىت وتە كەلە سۋ قويماسىنىڭ ءتۇبى بىرتىندەپ شوگىندىلەرگە تولىپ, سۋ قويماسىنىڭ كولەمىنىڭ وزگەرۋىنە اكەلىپ سوققان (سوڭعى 55 جىلدا شوگىندى تۇنباسىنىڭ كولەمى شامامەن 20% قۇرايدى). جاڭا باتيمەتريالىق ءتۇسىرىلىم سۋ قويماسىنىڭ ناقتى كولەمىن انىقتاۋ ءۇشىن جۇرگىزىلدى.
بۇگىنگى تاڭدا زەرتتەۋ جۇمىستارى باستالدى, سۋ قويماسىنىڭ تۇبىنەن سىناق ماتەريالدارى الىنىپ, شوگىندىلەردىڭ اراقاتىناسىن انىقتاۋ ءۇشىن زەرتحاناعا جىبەرىلگەن. ال شوگىندىلەردى وڭدەپ, ماتەريال رەتىندە كادەگە جاراتۋ جاڭا تەحنولوگيالاردى قاجەت ەتپەك.
ايتا كەتۋ كەرەك, مۇنداي جۇمىستار ەلىمىزدە العاش رەت جۇرگىزىلۋدە, بۇل وڭتۇستىك ايماقتارىنداعى سۋ تاپشىلىعىن جويۋ ءۇشىن جاڭا سەرپىن بولماق.
بۇگىنگى تاڭدا شاردارا سۋ قويماسى:
- اعىسى - 94 م3/سەك,
- كولەمى - 1 993 ملن م3,
- سۋدى اعىزۋ - 612,15 م3 / سەك,
ونىڭ ىشىندە:
- قىزىلقۇم كانالى - 100 م3 / سەك
- سىرداريا وزەنى - 500 م3 / سەك
- ماش.كانالى - 11,5 م3 / سەك
- قاراساقال - 0,65 م3 / سەك
