«تاجىريبەدە موتوتسيكل مەن موپەد يەلەرى تىكەلەي اعىندى قوندىرعىنى ءجيى قولدانادى, بۇل ازاماتتاردىڭ تىنىشتىعىنا اسەر ەتەدى. اسىرەسە تۇنگى ۋاقىتتا رۇقسات ەتىلمەگەن جارىستاردى ۇيىمداستىرادى, مانەۆر جاساۋ جانە جىلدامدىقتى شەكتەۋ ەرەجەلەرىن ورەسكەل بۇزا وتىرىپ, توپتىق قوزعالىستار جاسايدى. بۇل قالا تۇرعىندارى مەن باسقا دا جول قوزعالىسىنا قاتىسۋشىلاردىڭ شاعىمدارىن تۋدىرادى. سونىمەن قاتار كۇن سايىن دەرلىك موتوكولىكتەردىڭ قاتىسۋىمەن بولعان جول-كولىك وقيعالارىنىڭ قايتالاناتىن دەرەكتەرى تىركەلەدى», دەدى الماتى قالالىق پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى سەرىك شۋماەۆ.
جىل باسىنان بەرى ءموبيلدى كولىك جۇرگىزۋشىلەرى 10 مىڭعا جۋىق جول قوزعالىسى ەرەجەسىن بۇزعان. جالپى ايىپپۇل كولەمى 70 ميلليون تەڭگەدەن استى.
موپەدتەر مەن موتوتسيكل جۇرگىزۋشىلەرىنىڭ قاتىسۋىمەن بولاتىن جول-كولىك وقيعالارىنىڭ نەگىزگى سەبەپتەرى: بەلگىلەنگەن جىلدامدىقتى ساقتاماۋ, قارسى جولاققا شىعۋ, قيىلىستاردان ءوتۋ ەرەجەلەرىن بۇزۋ, مانەۆر جاساۋ جانە باسقا دا بۇزۋشىلىقتار.
