24 ءشىلدە - 24 تامىز ارالىعىندا وتەتىن تاعىلىمداماعا ارنايى ىرىكتەۋدەن وتكەن 25 جاس تاڭدالدى. ولار ءبىر اي بويى «حابار اگەنتتىگى» اق, «Qazaqstan» اق, «QazContent» اق, «قازاق گازەتتەرى» جشس سەكىلدى ءىرى مەديا قۇرىلىمداردا تاجىريبە جينايدى.
«قازاق گازەتتەرى» جشس قۇرامىنا كىرەتىن «EgemenQazaqstan» گازەتىنەن تاعىلىمدامادان ءوتۋ ءۇشىن باتىس قازاقستان, اتىراۋ, قىزىلوردا, الماتى قالالارىندا جۋرناليستيكا سالاسى بويىنشا ءبىلىم الىپ جۇرگەن 6 ستۋدەنت كەلدى. ولار باسىلىمنىڭ «ساياسات جانە قۇقىق», «ەكونوميكا جانە ءوندىرىس», ء«بىلىم جانە عىلىم», «مادەنيەت جانە ادەبيەت», «الەۋمەت جانە سپورت» جانە «ينتەرنەت-رەداكتسيا» بولىمدەرىندە تاعىلىمدامادان وتەتىن بولادى.
بىلىمگەرلەرمەن ارنايى كەزدەسكەن «قازاق گازەتتەرى» جشس باس ديرەكتورى ديحان قامزابەك ۇلى ولارعا سەرىكتەستىكتىڭ جۇمىسى تۋرالى بايانداپ, تاعىلىمدامانىڭ ءونىمدى, پايدالى بولۋىنا تىلەكتەستىك ءبىلدىردى. شىعارماشىلىق ۇجىممەن كەزدەسۋدەن كەيىن ستۋدەنتتەر رەداكتسيامەن تانىستى.
ايتا كەتەيىك, جوبانىڭ ماقساتى – مەديا جانە كوممۋنيكاتسيا باعىتىندا ءبىلىم الاتىن جوو-نىڭ ماگيسترانتتارى مەن ستۋدەنتتەرىنە تاجىريبە جيناۋ الاڭىن ۇسىنا وتىرىپ, كاسىبي جانە شىعارماشىلىق وسۋىنە ىقپال ەتۋ.
جوبانىڭ مىندەتى – مەديا جانە كوممۋنيكاتسيا سالاسىنداعى زاماناۋي باعىتتاردى ۇيرەتۋ, قاتىسۋشىلاردىڭ جۋرناليستىك داعدىسىن شىڭداۋ,تالىمگەرلەر بەكىتۋ ارقىلى قاتىسۋشىلاردىڭ كاسىبيلىگىن ارتتىرۋ, تاجىريبە الماسۋ, جاس مامانداردىڭ شىعارماشىلىق جانە قوعامدىق بەلسەندىلىگىن ارتتىرۋ.
تاعىلىمداما بارىسىندا ستۋدەنتتەر ەلىمىزگە تانىمال مەديا ماماندارىنىڭ ءدارىسىن تىڭدايتىن بولادى.
