ۇلتتىق ەكونوميكا ءمينيسترى الىبەك قۋانتىروۆتىڭ بايانداۋىنشا 6295 اۋىلدىق ەلدى مەكەننىڭ ىشىندە اۋىل تۇرعىندارىنىڭ 93%-ىن قۇرايتىن دامۋ الەۋەتى جوعارى 3,5 مىڭ اۋىل انىقتالعان, ولاردى دامىتۋ «اۋىل – ەل بەسىگى» جوباسى شەڭبەرىندە باسىم باعىت رەتىندە جۇزەگە اسىرىلىپ كەلەدى.
بيىل ونى جۇزەگە اسىرۋعا رەسپۋبليكالىق بيۋدجەتتەن 198,2 ملرد تەڭگە ءبولىندى.
ۇكىمەت باسشىسى 2019-2022 جىلدارى الەۋمەتتىك جانە ينجەنەرلىك ينفراقۇرىلىمدى دامىتۋ بويىنشا مىڭنان استام اۋىلدا 3,7 مىڭنان استام جوبا ىسكە اسىرىلعانىن, سونداي-اق 33 مىڭ جۇمىس ورنى قۇرىلعانىن اتاپ ءوتتى.
بيىل 800 ەلدى مەكەندە شامامەن 2 مىڭ جوبا جۇزەگە اسىرىلادى.
سونىمەن قاتار «اۋىل – ەل بەسىگى» شەڭبەرىندە سالىنعان وبەكتىلەردى پايدالانۋعا بەرۋ مەرزىمدەرىنىڭ بۇزىلۋى ءالى دە وزەكتى ماسەلە بولىپ وتىر.
پرەمەر-مينيستر بيۋدجەت قاراجاتىن ءتيىمسىز جوسپارلاۋ جانە پايدالانۋ, تەندەرلەردى ۋاقىتىندا وتكىزبەۋ, ءتيىستى باقىلاۋدىڭ بولماۋى وبەكتىلەردى ەنگىزۋ مەرزىمدەرىنىڭ بۇزىلۋىنا اكەلەتىنىن اتاپ ءوتتى.
«وڭىرلەردە قاراجاتتى ءتيىمدى پايدالانۋ وتە ماڭىزدى. ءبىر اۋداندا بىرنەشە جوبا ىسكە اسىرىلىپ, باسقا اۋداندا بىردە-ءبىر جوبا جۇزەگە اسىرىلمايتىن جاعدايلار بولماۋى كەرەك», دەدى ءاليحان سمايىلوۆ.
ول سونداي-اق اۋىلدىق اۋماقتاردى دامىتۋدىڭ 2027 جىلعا دەيىنگى تۇجىرىمداماسى شەڭبەرىندە «اۋىل – ەل بەسىگى» جوباسى اۋىل ينفراقۇرىلىمىن جاڭعىرتۋ بويىنشا نەگىزگى قۇرالداردىڭ ءبىرى بولىپ بەلگىلەنگەنىن اتاپ ءوتتى.
وتىرىستى قورىتىندىلاي كەلە, ۇكىمەت باسشىسى «اۋىل – ەل بەسىگى» جوبالارىن ساپالى جانە ۋاقىتىندا ىسكە اسىرۋدى قامتاماسىز ەتۋ, سونداي-اق ولاردى بارىنشا قارجىلاندىرۋ ماسەلەسىن پىسىقتاۋ قاجەتتىگىن اتاپ ءوتتى. پرەمەر-مينيستر اۋىلدىق اۋماقتاردى دامىتۋ ءۇشىن جەكە ينۆەستيتسيالاردى تارتۋ جۇمىسىن جەدەلدەتۋدى, ۇلتتىق ەكونوميكا مينيسترلىگى مەن مۇددەلى مەملەكەتتىك ورگاندارىنا جانە وبلىس اكىمدىكتەرىنە اۋىلدىق اۋماقتاردى دامىتۋ تۇجىرىمداماسىنىڭ نىسانالى ينديكاتورلارىنا قول جەتكىزۋدى قامتاماسىز ەتۋدى تاپسىردى.
