جىلقى جارتىلاي بەينەلەنگەن جۇپ قاپسىرما – ادام باسكيىمىنىڭ بولشەكتەرى. ۇزىندىعى – 6,5 سم, ەنى – 5,2 سم. تىگۋگە ارنالعان ساڭىلاۋلار جىلقىنىڭ دەنەسى مەن اياعىندا ورنالاسقان. بەكىتپە ساڭىلاۋلاردى بۇلاي ورنالاستىرۋ قاپسىرمانى قاداعاننان كەيىن جىلقىلار بەينەسى كولەمدىرەك كورىنۋ ءۇشىن جاسالسا كەرەك. مۇندا جىلقىلاردىڭ باسى مەن جالى ەرەكشە كورىنەدى. جانۋارلاردىڭ دەنەلەرى نوباي ناقىشىندا جاسالعان. كەكىلى ماڭدايىنا تۇسكەن جانە جالى توگىلگەن جىلقى بەينەسى ازيا ايماعىندا كەزدەسەدى. قاپسىرمالار قالىپتاۋ ارقىلى جاسالعان, بەتكى جاعىنداعى بولشەكتەرى ويۋمەن ناقىشتالعان. تۇتاس العاندا, قوس ءمۇسىننىڭ كەلبەتى ۇقساس جانە ءبىرتۇتاس سيممەتريالى كومپوزيتسيانى قۇرايدى. بۇل رەتتە ولاردىڭ ارقايسىنىڭ وزىندىك ايىرىم ەرەكشەلىگى بار. قازىرگى ۋاقىتتا قالپىنا كەلتىرىلگەن مۇسىندەردىڭ بىرەۋىنىڭ اياعى سىنعان.
