وقۋ-اعارتۋ مينيسترلىگىنە قاراستى ورتا ءبىلىم كوميتەتىنىڭ حابارلاۋىنشا, وقۋلىقتاردى ازىرلەۋ جۇمىستارىنا ەلىمىزدىڭ 11 باسپاسى تارتىلعان. پاندەردى وقىتۋدىڭ يننوۆاتسيالىق تاسىلدەرىن ەنگىزۋ ماقساتىندا پەداگوگتەر ءۇشىن ادىستەمەلىك ۇسىنىمدار دايارلانعان.
«بۇگىندە ەلىمىزدەگى باستاۋىش سىنىپ وقۋلىقتارى - 94%, 5-9-سىنىپ وقۋلىقتارى - 81%, 10-11-سىنىپ وقۋلىقتارى 61% ەلەكتروندى نۇسقاعا كوشىرىلدى. 2024 جىلى پاندەردى تسيفرلىق وقۋلىقتارمەن 100% قامتۋ جوسپارلانعان», دەدى ورتا ءبىلىم كوميتەتىنىڭ توراعاسى قانىبەك جۇماشەۆ.
مەكتەپتەردە ەلەكتروندىق وقۋلىقتارمەن قاتار قوسىمشا وقۋ ماتەريالى رەتىندە مۋلتيمەديالىق كونتەنتى بار تسيفرلىق ءبىلىم بەرۋ رەسۋرستارى بەلسەندى قولدانىلىپ جاتىر.
قازىرگى كۇنى 50 مىڭنان اسا تسيفرلىق ءبىلىم بەرۋ رەسۋرسى جاسالعان.
