جيىنعا بىرىككەن ۇلتتار ۇيىمى بالالار قورىنىڭ (يۋنيسەف) قازاقستانداعى وكىلى ارتۋر ۆان ديزەن, دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ, اقپارات جانە قوعامدىق دامۋ, تسيفرلىق دامۋ, ىشكى ىستەر ۆيتسە-مينيسترلەرى, ۇلتتىق ستاتيستيكا بيۋروسىنىڭ جانە بالالاردىڭ قۇقىقتارىن قورعاۋ كوميتەتىنىڭ باسشىلارى قاتىستى.
يۋنيسەف وكىلدەرى الەۋمەتتىك كودەكستىڭ قابىلدانۋىن, وڭىرلەردە وتباسىنىڭ تسيفرلىق كارتاسى مەن وتباسىن قولداۋ ورتالىقتارىنىڭ قۇرىلۋىن وڭ باعالادى.
سونداي-اق ولار الەۋمەتتىك جۇمىستىڭ قولجەتىمدىلىگىن, ساپاسى مەن تيىمدىلىگىن ارتتىرۋ ماقساتىندا الەۋمەتتىك قىزمەت كورسەتۋ جۇيەسىن ودان ءارى دامىتۋعا تەحنيكالىق قولداۋ جانە كومەك كورسەتۋگە دايىن ەكەندەرىن جەتكىزدى.
سونىمەن قاتار يۋنيسەف-ءتىڭ بالالاردىڭ ءومىر ءسۇرۋ ساپاسىن جاقسارتۋ, بالالىق شاقتى قورعاۋ, الەۋمەتتىك قىزمەتتەر جانە ت. ب. ماسەلەلەرى بويىنشا مەملەكەتتىك ورگاندارمەن ودان ءارى ىنتىماقتاستىق ماسەلەلەرى تالقىلاندى. اتاپ ايتقاندا, ااك باعدارلاماسىن, بالالاردىڭ حال-احۋال يندەكسىن, بالانىڭ تسيفرلىق كارتاسىن جەتىلدىرۋ, بالالاردى امبەباپ بالالار جاردەماقىلارىمەن قامتۋدى (حالىقارالىق تاجىريبە نەگىزىندە) كەڭەيتۋ بويىنشا جاڭا شەشىمدەردى ازىرلەۋ ءۇشىن يۋنيسەف-ءتىڭ قر ۇكىمەتىمەن ىنتىماقتاستىعىن دامىتۋ جوسپارلانىپ وتىر.
يۋنيسەف-ءتىڭ بالالاردى قورعاۋ شارالارىن كۇشەيتۋ, زاڭنامانى نىعايتۋ, ماسەلەنىڭ شىعۋ سەبەپتەرىمەن جۇمىس ىستەۋگە ەرەكشە نازار اۋدارا وتىرىپ, بالا ومىرىندە ورىن الۋى مۇمكىن قولايسىزدىقتاردىڭ الدىن الۋ, ءبىلىم بەرۋدىڭ قولجەتىمدىلىگىن ارتتىرۋ, مەملەكەتتىك قىزمەتتەردى تسيفرلاندىرۋ, بالا جابىرلەنۋىنىڭ الدىن الۋ جانە بالالارعا قاتىستى زورلىق-زومبىلىققا قارسى ارەكەت ەتۋ جانە ت. ب. بويىنشا ۇسىنىمدارى بىرلەسىپ قاراستىرىلادى.
